Къэбэрдей-Балъкъэрым и агропромышленнэ комплексым и ветеранхэ, и лэжьакIуэ лъапIэхэ! Си гум къыбгъэдэкIыу сынывохъуэхъу фи IэщIагъэм епха махуэшхуэмкIэ - Мэкъумэш хозяйствэмрэ ерыскъыпхъэхэм елэжь промышленностымрэ я лэжьакIуэхэм я махуэмкIэ! Фи лэжьыгъэм

Хэку зауэшхуэм къриубыдэу, Кавказыр хуит къыщащIыжа зауэзэрылIыр илъэс 82-рэ зэры­рикъуам ирихьэлIэу, КъБР-м и Iэтащхьэ КIуэ­кIуэ Казбек республикэм и цIыхубэм за­хуигъэзащ. 

- Си хэкуэгъу лъапIэхэ! Хэку зауэшхуэм мыхьэнэшхуэ щызыубыд, Кавказыр хуит къыщащIыжа махуэр щагъэлъапIэ нобэ ди къэралым и дзэ тхыдэм. 
Нэмыцэ зэрыпхъуакIуэхэм махуэ 442-кIэ ди сэлэтхэр щапэщIэта а зауэзэрылIыр нэхъ кIыхьхэм икIи гуащIэхэм ящыщт. Бийр къагъэувыIэри, ирагъэкIуэтыжащ абы щыгъуэ, Гитлер и телъхьэхэми къэралым и кум ихьэн мурадыр ­къайхъулIакъым, Кавказым и хъугъуэфIыгъуэ­хэм ялъэIэсыным гугъэр хахыжыпащ. 
ЛIыгъэ, хахуагъэ, псэемыблэж зэуэкIэ къагъэлъэгъуащ ди сэлэтхэмрэ офицерхэмрэ, я ­гъащIэр ятын хьэзыру, Хэкум и щIы кIапэ къэс бийм къызэрыIэщIагъэкIыжыным хущIэкъуу. Абыхэм я лIыгъэрщ Кавказыр хуит къыщащIыжа зауэзэ­рылIым къыщахьа ТекIуэныгъэр къэ­зы­шар. Ахэращ зи Iэужьыр ди Хэкур хъума зэрыхъуар, ар зи щхьэ и унафэр зыщIыж къэралу къы­зэрынар. ИлъэсипщI зыбжанэм кърикIуа зыу­жьыныгъэм и гъуэгур зыунэтIари ди япэ итахэрщ. 
Ди щхьэр яхудогъэщхъ зи фэеплъыр мыкIуэ­дыжыну лIыхъужьхэм. Абыхэм Хэкур зэрагъэпэжар дяпэкIэ къэхъуну псом я дежкIи щапхъэщ, абы и уасэр бгъэмэщIэну ухэтынри щхьэгъэпцIэжщ. Ар фэеплъщ, тхыдэ щыхьэтщ, нобэ ди къэралыр зэрыпхъуа­кIуэхэм ящызыхъумэхэм ди лIыхъужь­хэм къыIэ­щIалъхьа ныпщ. 
Лъэпкъыбэу зэхэт ди къэралым, Урысей щэджащэм иджыри ТекIуэныгъэр къихьынущ!