ТекIуэныгъэм и паркыр

Налшык къалэм 2-нэ Тамань дивизэм и цIэр зезыхьэ уэрамым щаухуэ ТекIуэныгъэм и паркым и япэ Iыхьэр и кIэм нагъэсащ.

Паркыр псори зэхэту метр зэбгъузэнатIэ мин 12-м мэхъу икIи аллееу 4 хэтынущ. Абыхэм псоми плиткэхэр иралъхьа­-  кIэщ, уэздыгъэхэри щыпадзащ. Апхуэдэуи тетIысхьэпIэхэмрэ кIэрыху­бжьэрыху идзыпIэхэмрэ щагъэуващ. 
Лэжьыгъэр ирагъэкIуэкIащ «ГъащIэм хуэщIа инфраструктурэ» лъэпкъ пэхуэщIэм хыхьэ «Къалэдэсхэм я псэукIэр егъэфIэкIуэн» къэрал пэхуэщIэм ипкъ иткIэ. 
Иджы лэжьакIуэхэр пэрыхьэнущ паркым и етIуанэ Iыхьэм хыхьэ лэжьыгъэхэм - ар зэIузэпэщ щIынымрэ жыгхэр хэсэ­нымрэщ. Псори зэхэту абдеж жыг 450-м нэблагъэ хэтынущ, абыхэм ящыщу 170-р пхъэхуейуэ. Апхуэдэуи щагъэтIысынущ щиху, шыкIуртым, кIей лIэужьыгъуэхэр.