Кърымым и хьэщIахэрКърымым щекIуэкIа «Таврида. АРТ» етхуанэ щIалэгъуалэ музыкэ фестивалым зыкъыщигъэлъэгъуащ Къэбэрдей-Балъкъэрым и музыкант Бэджыдэ Мухьэмэд (BEGIDOV). Бэджыдэ Мухьэмэд езым и псалъэхэр зыщIэлъ уэрэдхэр игъэзэщIащ икIи ар хэтащ «VK музыкой» «Квартирни», «Таврида» зэхыхьэхэр къызэзыгъэпэщхэм ящIа «Навстречу фестивалю» пшыхьым. - «Таврида» фестивалым сызэрыхэтар гукъинэж сщыхъуащ. Iуэху бгъэдыхьэкIэ, щIэ куэд абы къызэрыщысщIар уасэншэщ. Ныбжьэгъу куэд сыщиIэ хъуащ, си лэжьыгъэм теухуауэ къысхуэщхьэпэн куэд щызэхэсхащ. Фестивалым зэхуишэсащ къэралым и щIыналъэ 87-м щыщ художник, тхакIуэ, музыкант, актёр, дизайнер, режиссёр, къэфакIуэ, нэгъуэщI IэщIагъэлI 3500-м щIигъу. Абыхэм папщIэ ут зэмылIэужьыгъуэхэр лэжьащ: гъуазджэ, кино, музыкэ, «Арт.Молодость» бэзэрыр, «Наука и искусство» фестивалыр. КъищынэмыщIауэ, абы хыхьэу къызэIуахащ «АРТ-ЭКСПО» иджырей выставкэ центрыр. Утыку нэхъыщхьэм зыкъыщагъэлъэгъуащ урыс артист цIэрыIуэхэу SHAMAN, Дмитриенкэ Ваня, MIA BOYKA, RAMIL, Свик Лёшэ, ST, Сай Анет, Фомин Митя, нэгъуэщIхэми. Фестивалым и хьэщIащ Лепс Григорийрэ Расторгуев Николайрэ. ТЕКIУЖЬ Заретэ.
Поделиться:
Читать также:
18.05.2024 - 12:48 →
Кинофестивалым и махуэхэр
18.05.2024 - 12:26 →
Дохутырхэр лэжьыгъэ и пIалъэкIэ зохъуажэ
18.05.2024 - 10:01 →
ЕджапIэ нэхъ ин дыдэр
15.05.2024 - 17:01 →
«ТекIуэныгъэм и щIэблэр»
14.05.2024 - 12:36 →
Алий и пшыхь
|