ЗэIущIэхэр

Къэбэрдей-Балъкъэрым щыIэ МВД-м иригъэкIуэкIынущ «Полицейский дядя Стёпа» ­сабий творчествэмкIэ урысейпсо зэпеуэм и щIыналъэ Iыхьэр.

Урысей ФСБ-м и управленэу КъБР-м щыIэм, КъБР-м щыIэ    МВД-м я лэжьакIуэхэм къэлъыхъуэныгъэ Iуэхухэр ира­гъэкIуэкIыу къыщIагъэщащ Прохладнэ районым щыпсэу цIыхубзищым къэхьпэщ къызэрагъэпэщауэ, абы и лэжьыгъэм хамэ къэрал къикIауэ Урысей Федерацэм и щIыналъэм щыIэ цIыхухэр къыхашэу. 

Къэбэрдей-Балъкъэр Республикэм и прокуратурэм ­КъБР-м Жылагъуэ Iуэхухэмрэ лъэпкъ проектхэмкIэ и министерствэм и къулыкъущIэхэм папщIэ семинар иригъэ­кIуэкIащ.

Абы щытепсэлъыхьащ коррупцэм зэрыпэщIэт хабзэр къэгъэсэбэпыным, къэрал граждан къулыкъущIэхэм я пщэ­рылъхэр  ягъэзэщIэным пыщIа Iуэхухэм. Прокуратурэм и лэжьакIуэм ягуригъэIуащ я хэхъуэхэр абы теухуа тхылъхэм къыщагъэлъэгъуэн зэрыхуейм ехьэлIауэ хуагъэувхэр.   
Къыхагъэщащ официальнэ дэфтэрхэр и лъабжьэу хъыбархэр Iэрагъэхьэныр зэрынэхътэмэмыр.  

«Захуагъэ здэщыIэ Урысей - Пэжым и телъ­хьэу» партым и къудамэу КъБР-м и Парламентым хэтым и Iэтащхьэ Кебеков Владимиррэ   КъБР-м и Парламентым ПромышленностымкIэ, транспортымкIэ, связымрэ гъуэгу хозяйствэмкIэ и комитетым и унафэщI Къалмыкъ Маратрэ медицинэ Iэмэпсымэхэр иратыжащ узыфэ зэмылIэужьыгъуэхэр зыпкърытхэм щеIэзэ, щIыналъэхэм зэдай сымаджэщу Анзорей къуажэм дэтым. Ахэр къахуезыгъэшар «Захуагъэ здэщыIэ Урысей - Пэжым и телъ­хьэу» партым и унафэщI, а партым и фракцэу Урысей Федерацэм и Федеральнэ Зэхуэсым и Къэрал Думэм щыIэм и пашэ Миронов Сергейщ.

Къэбэрдей-Балъкъэрым и мылъкум щыщ ухуэныгъэхэр бэджэнду зэратам къыпэкIуэу республикэм и бюджетым сом мелуан 33,8-рэ хэхъуэу иIащ нэгъабэ. Апхуэдэу щыхъукIи, 2024 гъэм къалэну зэхуагъэувэжауэ щытар сом мелуан 27,5-рэт - иджы а бжыгъэхэм проценти 123-кIэ щIрагъэгъуащ. 
КъБР-м ЩIымрэ мылъку зэхущытыкIэхэмрэ и министерствэм 2024 гъэм иригъэкIуэкIа лэжьыгъэхэм къарикIуахэр щызэщIакъуэж зэIущIэм ар щыжиIащ а IэнатIэм и унафэщIым и къуэдзэ Уянаев Таймураз.

Къэбэрдей-Балъкъэрым и Правительствэм и УнафэщI Мусуков Алий иджыблагъэ иригъэкIуэкIащ КъБР-м Мэкъумэш хозяйствэмкIэ и министерствэм 2024 гъэм хузэфIэкIахэм щыхэплъэжа зэIущIэ. Апхуэдэуи абы щытепсэлъыхьащ дызэрыт илъэсым республикэм и мэкъумэш IэнатIэм къыпэщылъ къалэнхэм.

Нобэ Ставрополь къалэм «Спартак-Налшыкым» щы­щIи­дзэнущ Урысей Федерацэм футболымкIэ и етIуанэ лигэм и «Б» дивизионым и Япэ гупым хэт командэхэм ирагъэкIуэкI зэ­хьэзэхуэм. Абы и пэ къихуэу ди гупым и тренер нэхъыщхьэ Битокъу Тимуррэ клубым и унафэщI Заруцкий Александррэ командэм и топджэгу па­жэхэу Хьэшыр Алан, КIэды-кIуей Хьэчим, ЛIуп Ислъам сымэ ягъу­сэу яIущIащ респуб­ликэм футболым щытетхыхь журналистхэмрэ футболеплъ­хэмрэ икIи абыхэм я упщIэхэм жэуапхэр иратыжащ. 

Урысей гвардием и управленэу КъБР-м щыIэм лицензэ зыт-хуит зыщI и центрым цIыхухэм захуегъазэ Iэщэхэр абы хухэмыха щIыпIэхэм къыщамыгъэсэбэпыну. 

КъБР-м щыIэ Оперативнэ штабым 2025 гъэм гъатхэпэм и 20-м  иригъэкIуэкIащ террорым    пэщIэтыным хуэунэтIа зыгъэсэныгъэхэр. 

КъБР-м и Iэтащхьэ КIуэкIуэ Казбек лэжьыгъэ IуэхукIэ хуэзащ Пенсэ Iуэхухэмрэ цIыху­хэм социальнэ и лъэныкъуэ­кIэ къащхьэщыжынымкIэ къэрал фондым Къэбэрдей-Балъкъэр Респуб­ликэм щиIэ къудамэм и унафэщI Бакъ Николай.