Дыжьын зырыз

26 июня, 2024 - 15:51

Чувашием и къалащхьэ Чебоксары иджыблагъэ щекIуэкIащ СССР-м атлетикэ псынщIэмкIэ щIыхь зиIэ и спортсмен, Олимп джэгухэм домбеякъ медалыр къыщызыхьа, дуней псомрэ  Европэмрэ я чемпион Игнатьев Ардалион и фэеплъ урысейпсо зэхьэзэхуэ. Абы хэтащ къэралым и щIыналъэхэм ящыщу 34-м я спортсмени 184-рэ.

         Дискыр нэхъ жыжьэ дзынымкIэ екIуэкIа зэхьэзэхуэм етIуанэ увыпIэр къыщихьащ Къэбэрдей-Балъкъэрым щыщ Добренький Александр (метр 57,93-рэ). Япэ увыпIэр иубыдащ Худяков Алексей (метр 63,97-рэ), ещанэр Ловриков Дмитрийщ (метр 51,65-рэ).

         Бжыр нэхъ жыжьэ дзынымкIэ зэхэта зэпеуэми дыжьын медалыр къыхихащ республикэм и лIыкIуэ Орлов Николай (метр 76,81-рэ). Мыбдежым япэ увыпIэр щиубыдащ Бездольный Борис (метр 79,61-рэ), ещанэ хъуар Белоруссием и спортсмен Котковец Алексейщ (метр 75,92-рэ).

         Ди щIалэхэм я тренерхэр Артамонов Артуррэ Жуков Андрейрэщ.

                            АЛБЭРДЫКЪУЭ Iэмин.

 

  • 71 просмотр
Поделиться: