Зэрызагъасэм кIэлъыплъащ

29 июля, 2024 - 11:14

Алыдж-урым бэнэкIэ

Адыгейм физкультурэмрэ спортымкIэ и комитетым и унафэщI Догужьий Муратрэ Къэрэшей-Шэрджэсым физкультурэмрэ спортымкIэ и министр Узденов Рашидрэ иджыблагъэ Налшык щыIащ.

Къэбэрдей-Балъкъэрым спортымкIэ и министр Хьэсанэ Ислъам дэщIыгъуу ахэр кIэлъыплъащ «классикхэм» зэрызагъасэм икIи ялъэгъуахэмкIэ арэзы хъуащ. ШыщхьэуIум и 23-м Новосибирск щекIуэкIыну Совет Союзым и ЛIыхъужь Аксенов М.М. и фэеплъ алыдж-урым бэнэкIэмкIэ дунейпсо зэпеуэшхуэм абыхэм ерыщу зыхуагъэхьэзыр. Зэкъуэш республикищым я спортсменхэм къищынэмыщIауэ зи гугъу тщIы зэхьэзэхуэм хэтынущ Мордовие, Шэшэн, Осетие Ищхъэрэ-Алание республикэхэм, Краснодар, Алтай крайхэм, Санкт-Петербург, Москва къалэхэм икIахэр. 
Налшык щекIуэкI алыдж-урым бэнэкIэмкIэ зыгъэсэныгъэхэр къызэригъэпэщащ Къэбэрдей-Балъкъэрым СпортымкIэ и министерствэм.

ХЬЭТАУ Ислъам.
  • 46 просмотров
Поделиться: