Къэбэрдей-Балъкъэрым футболымкIэ и гуп нэхъыщхьэм и мыгъэрей чемпионатым хэт командэхэм я зи чэзу джэгугъуэхэм, зэрыхуэдгъэфэщам хуэдэуи, пашэхэм иужь ит командэхэр щыхагъэщIащ. Зы джэгугъуэ закъуэщ зэрытемыгъакIуэу иухар.
Япэу щыт Псынэдахэ и «Родник»-р Терекскэ щыджэгуати, и зи чэзу текIуэныгъэр бжыгъэшхуэкIэ, 5:0-у «Урожайнэ» командэр хигъэщIащ.
ФIэщщIыгъуейщ джэгугъуэ къэс ику иту топихым щIигъу дэзыгъэкIыу зыми къримыгъэкIуэтыф командэм япэ увыпIэр зыIэщIигъэкIыну. Ауэ зэкIэ гурыIуэгъуэкъым 2-нэ, 3-нэ увыпIэхэр зылъысынур. Абы и лъэныкъуэкIэ нэхъ тфIэгъэщIэгъуэныр Алътуд и «Искра»-мрэ «Ислъэмеймрэ» я зэIущIэрти, ар фокIадэм и 3-м ягъэIэпхъуащ.
«Малкэмрэ» «Псыгуэнсумрэ» щызэдэджэгунур иджыри ягъэбелджылакъым.
Футболым дихьэххэм ягу къеуэу нэхъыбэрэ зэхэпххэм ящыщщ, командэхэм псоми джэгупIэ губгъуэ тэмэм зэрамыIэм къыхэкIыу я жылагъуэхэм зэрыщымыджэгужыфыр. Абы къыхэкIыу, ядэщIыу зыгъэгушхуэнухэм я бжыгъэр мащIэщ. Шэч хэмылъу, топджэгухэм къагъэлъэгъуэфыну зэфIэкIри абы егъэмащIэ.
Мы спорт лIэужьыгъуэр фIыуэ зылъагъу нэхъыжьхэм зэращIэжщи, дыгъуасэ хуэдэт ди къэралым и ищхьэ гупым хэта къудей мыхъуу, командэ пашэхэр хигъащIэу фIыуэ тлъагъу ди Налшык и «Спартак»-р щыщыта лъэхъэнэр. Апхуэдэу дрипагэу джэгуу щытащ Бахъсэн и «Автозапчасть», «Эталон», Прохладнэ и «Кавказкабель», Нарткъалэ и «Нарт» командэхэри. Ауэ, сыт тщIэн, ди футболым иIэу щыта гулъытэм хуэдэ хуэзыщIын жэрдэмщIакIуэхэр, IуэхущIапIэхэр, хьэрычэтыщIэхэр, ди жагъуэ зэрыхъунщи, диIэжкъым.
Иджы, республикэм щекIуэкI чемпионатым къэдгъэзэжынщи, щыгъуазэ фыхуэтщIынщ командэ пашэхэр я иужьрей джэгугъуэхэм къарикIуа бжыгъэхэм:
«Спартак-Д» (Налшык) – «Лашынкъей (Лашынкъей) – 1:1,
«ЛогоВАЗ» (Бабугент) – «Акъбащ» (Акъбащ Ищхъэрэ) – 5:4,
«Урожайнэ» (Терекскэ) - «Родник» (Псынэдахэ) – 0:5,
«Шагъдий» (Зеикъуэ) - «Тэрч» (Тэрч) – 1:3,
«Шэрэдж» (Шэрэдж) - «Шэрджэс» (Шэджэм) – 3:1.
КъыкIэлъыкIуэну зэIущIэхэр дызыхуэкIуэ зыгъэпсэхугъуэ махуэхэм зэхэтынущ.
Къэбэрдей-Балъкъэрым футболымкIэ 2024 гъэм пашэныгъэр къыщыхьыным теухуа зэпеуэр гуп нэхъыщхьэм зэрыщекIуэкIыр
Командэхэр Дж. Къ. З. ФI. Т. О.
1. «Родник» 18 17 1 0 114 – 13 52
2. «Тэрч» 18 16 0 2 72 – I18 48
3. «Искра» 17 14 2 1 73 – 9 44
4. «Ислъэмей» 17 12 0 5 58 – 33 36
5. «Малка» 17 11 2 4 54 – 33 35
6. «ЛогоВАЗ» 18 11 0 7 67 – 50 33
7. «Шагъдий» 18 9 1 8 54 – 65 28
8. «Псыгуэнсу» 17 4 4 9 28 – 61 16
9. «Спартак-Д» 18 4 3 11 38 – 51 15
10. «Акъбащ» 18 3 3 12 35 – 68 12
11. «Лашынкъей» 18 3 2 13 25 – 72 11
12. «Шэрэдж» 18 3 2 13 24 - 80 11
13. «Урожайнэ» 18 2 3 13 16 – 63 9
14. «Шэрджэс» 18 2 3 13 28 – 70 9
