НОБЭ

Жэпуэгъуэм и 2,

Бэрэжьей

Залымыгъэ мылэжьыным и дунейпсо махуэщ

Социальнэ егъэджакIуэм и махуэщ

УФ-м цIыхухэм IэщIагъэ егъэгъуэтынымкIэ и лэжьакIуэм и махуэщ

Лъэсу къэкIухьыным и дунейпсо махуэщ

1945 гъэм Къэбэрдей пединститутым школ-интернат къыщызэIуахащ.

1951 гъэм къалъхуащ уэрэджыIакIуэ цIэрыIуэ, Урысей Федерацэм, КъБР-м, АР-м, КъШР-м я цIыхубэ артист Тут Заур.

1954 гъэм къалъхуащ сурэтыщI Ерчэн Исуф.

1970 гъэм къалъхуащ пауэрлифтинг спорт лIэужьыгъуэмкIэ плIэнейрэ (1996 - 1999 гъэхэм) дунейм и чемпион хъуа Хъуажь Юрэ.

1982 гъэм къалъхуащ КъБР-м, КъШР-м, АР-м, щIыхь зиIэ и артисткэ Къэзан Сэтэней.

Дунейм и щытыкIэнур

«pogoda.yandex.ru сайтым зэритымкIэ, республикэм уэшх къыщешхынущ. Хуабэр махуэм градус 12 - 13, жэщым градуси 12 щыхъунущ.

Лъэпкъ Iущыгъэ:

Хабзэр зым къигупсыскъым – гъащIэм къыхокI.

Зыгъэхьэзырар

БАГЪЭТЫР Луизэщ.