БецIыкIу Заур и щIыхькIэ

Псыгуэнсу къуажэм дэт спорт комплексым иджыблагъэ щекIуэкIащ Къэбэрдей-Балъкъэрым спортымрэ физкультурэмкIэ щIыхь зиIэ и лэжьакIуэ, КъБР-м КикбоксингымкIэ и федерацэм и унафэщIу щыта БецIыкIу Заур и фэеплъ зэхьэзэхуэ. Абы щызэпеуащ ди республикэм и командэ 11-мрэ Осетие Ищхъэрэ - Аланием и командищымрэ я спортсмени 127-рэ, я ныбжькIэ илъэс 11 - 13-хэм итхэу. 

Зэхьэзэхуэр къызэригъэпэщат БецIыкIу Заур и унагъуэм, Аруан щIыналъэ администрацэм и дэIэпыкъуныгъэ хэлъу икIи абы кърихьэлIащ Псыгуэнсу къуажэм и нэхъыжьыфIхэр, жылэдэсхэр, щIыпIэ администрацэм и лэжьакIуэхэр, спортым и ветеранхэр, нэгъуэщI хьэщIэ лъапIэхэр. 
Я хьэлъагъ елъытауэ зыхэта гупхэм япэ увыпIэхэр къыщахьащ Шэшэн Ахьмэд, Вэрокъуэ Амир, Сомгъур Самир, Толасов Сослъэн, Бэрэздж Алим, Такъ Ахьмэд, ШащIэ Ренат, Джангуразов ЖэбрэIил, Вэрокъуэ Залым, Шыкъ Инал, Захаров Кирилл, Токъмакъ Дамир, Курбанов Рэмэзан, ГуIэтыж Аслъэнбэч, Пекъу Темырлан, Гъащтэ Нурлан, Сындыку Iэдэм, Иуан Ролан, Локъуэ Алихъан, КIарэ Къантемыр, Урыс Къантемыр, Муртазаев Амир, Залиханов Ислъам, Куэшей Ислъам, Езий Iэдэм сымэ.
ЩIалэхэм я тренерхэр Куэшмэн Рустам, Саралидзе Айдин, БейцIыкIу Хьэзрэт, Сасыкъ Анзор, БейцIыкIу Ибрэхьим, Боллоев Аслъэн, Апажэ Рашид, ДыщэкI Аслъэнбэч, Къудейхэ Алимрэ Залымрэ сымэщ. 
Зэхьэзэхуэм къыщыхэжаныкIахэм медалхэмрэ кубокхэмрэ иратащ, абы нэмыщI, нэхъыфIу къалъытахэм щхьэкIэ саугъэт щхьэхуэхэр къызэгъэпэщакIуэхэм къабгъэдэкIащ.