ЛIыхъужьыр зыщагъэгъупщэркъым

22 октября, 2024 - 09:26

 

Террорист щIэпхъаджагъэм хэкIуэда, УФСБ-м и Къэбэрдей-Балъкъэр къудамэм и подполковник  ДзыхьмыщI Магомед и фэеплъу Налшык къалэм и «Гладиатор» спорт комплексым иджыблагъэ щекIуэкIащ бэнэкIэ хуитымкIэ урысейпсо зэхьэзэхуэ.  

Абы щызэпеуащ ди республикэм, Къэрэшей-Шэрджэсым, Шэшэным, Ингушым, Дагъыстэным, Осетие Ищхъэрэ - Аланием я командэхэр, псори зэхэту цIыхуи 150-м нэблагъэ. Ахэр гупипщIу гуэшауэ щытащ.

Къэбэрдей-Балъкъэрым и бэнакIуэхэм ящыщу я хьэлъагъ елъытауэ зыхэта гупхэм япэ увыпIэхэр зэпеуэм къыщахьащ Расулов Умар (кг 80), Бакъей Темболэт (кг 45-рэ), Къанщауэ Рауль (кг 92-рэ) сымэ.

Ди щIалэхэм я тренерхэр ПщыукI Артур, Аслъэн Азэмэт, Ажоев Азэмэт сымэщ.

Зэхьэзэхуэм къыщыхэжаныкIахэр щIыхь тхылъхэмкIэ, медалхэмкIэ, ахъшэ саугъэтхэмкIэ ягъэпажащ.

                                                                  КЪАНШЫУЕЙ Алим.

 

 

 

  • 45 просмотров
Поделиться: