Дыгъэгъазэм и 26,
бэрэжьей
♦Инджылызым, Австралием, Новэ Зеландием, Канадэм щагъэлъапIэ тыгъэ щIыным и махуэр
♦Словением и щхьэхуитыныгъэмрэ и зэкъуэтыныгъэмрэ я махуэщ
♦1783 гъэм Франджым щыщ физик Ленорман Луи Себастьян, езым иригъэфIэкIуэжа парашютыр къигъэсэбэпри, Париж дэт унэ лъагэм япэ дыдэу къелъащ.
♦1812 гъэм Наполеон и дзэ зэхакъутам и сэлэтхэр Урысейм икIыжащ
♦1825 гъэм Санкт-Петербург и Сенат утыкум декабристхэм зыкъыщаIэтащ.
♦1898 гъэм Франджым щыщ зэщхьэгъусэхэу, химик цIэрыIуэхэу Кюри Мариерэ Пьеррэ дунейм щыяпэу радий элементыр къахутащ.
♦1991 гъэм СССР-р зэрыщымыIэжымкIэ Декларацэр къащтащ.
♦Китайм и унафэщIу илъэс 33-кIэ щыта Цзэдун Мао къызэралъхурэ илъэси 125-рэ ирокъу.
♦Къэрал лэжьакIуэ, Адыгей облисполкомым и унафэщIу щыта НапщIэкъуий Сэхьид къызэралъхурэ илъэси 106-рэ ирокъу.
♦Дирижёр, КъБАССР-м гъуазджэхэмкIэ щIыхь зиIэ и лэжьакIуэ Мыз Борис и ныбжьыр илъэс 81-рэ ирокъу.
♦Театрымрэ киномрэ я актёр цIэрыIуэ, уэрэджыIакIуэ, РСФСР-м и цIыхубэ артист Боярский Михаил и ныбжьыр илъэс 69-рэ ирокъу.
♦Къэрал лэжьакIуэ, политик, Абхъаз Республикэм и президенту щыта Анкваб Александр и ныбжьыр илъэс 66-рэ ирокъу.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр 1 градус, жэщым щIыIэр градуси 2 - 1 щыхъунущ.
Дыгъэгъазэм и 27,
махуэку
♦УФ-м щагъэлъапIэ КъегъэлакIуэм и махуэр. 1990 гъэм РСФСР-м и Министрхэм я Советым и унафэкIэ къызэрагъэпэщащ къегъэлакIуэхэм я IуэхущIапIэ щхьэхуэ. 1995 гъэм дыгъэгъагъазэм и 26-м УФ-м и Президентым унафэ къыдигъэкIащ а IэщIагъэм ирилажьэхэм я махуэр гъэлъэпIэным теухуауэ.
♦Къыргъызстаным и паспорт-визэ къулыкъущIапIэм и лэжьакIуэм и махуэщ
♦1877 гъэм Санкт-Петербург цирк къыщызэIуахащ. Иджыпсту ар Урысейм и зыкъэгъэлъэгъуапIэ утыку нэхъыжь дыдэу къалъытэ.
♦1932 гъэм СССР-м и ЦIыхубэ комиссархэм я советым и ГъэзэщIакIуэ комитет нэхъыщхьэм унафэ къищтащ къэралым и цIыху балигъ псоми паспорт яIэн икIи дэтхэнэри щыпсэу щIыпIэм щатхауэ щытын зэрыхуейм теухуа унафэр.
♦1938 гъэм СССР-м и Совет Нэхъыщхьэм и Президиумым «Социалист Лэжьыгъэм и ЛIыхъужь» цIэр гъэувыным теухуа Унафэ къищтащ.
♦1943 гъэм Астрахань областыр къызэрагъэпэщащ.
♦1945 гъэм Дунейпсо валютэ фондымрэ (МВФ) КъэщIэрэщIэжыныгъэмрэ зыужьыныгъэмрэ я дунейпсо банкымрэ (МБРР) къызэрагъэпэщащ.
♦Нэмыцэ астроном, физик, вагъуэхэр зэрызэблэкI щIыкIэр къэзыхута Кеплер Иоганн къызэралъхурэ илъэс 447-рэ ирокъу.
♦Дзэзешэ цIэрыIуэ, Урысей армэм и фельдмаршал, 1812 гъэм екIуэкIа Хэку зауэм и лIыхъужь Барклай-де-Толли Михаил къызэралъхурэ илъэс 257-рэ ирокъу.
♦Урыс хьэрычэтыщIэ, псапащIэ, гъуазджэм и лэжьакIуэхэмрэ абыхэм я IэдакъэщIэкIхэмрэ пщIэшхуэ яхуэзыщIу щыта Третьяков Павел къызэралъхурэ илъэси 186-рэ ирокъу. Иджыпсту абы и цIэр зэрехьэ сурэт телъыджэ куэд щызэхуэхьэса галереем.
♦Дуней псом щыцIэрыIуэ, Германием къыщалъхуа, США-м щыпсэуа, щылэжьа актрисэ Дитрих Марлен къызэралъхурэ илъэси 117-рэ ирокъу.
♦Литературовед, критик, филологие щIэныгъэхэм я доктор, КъБКъУ-м и профессор, ЩIДАА-м и академик, КъБР-м, АР-м щIэныгъэмкIэ щIыхь зиIэ я лэжьакIуэ ХьэкIуащэ Андрей и ныбжьыр илъэс 89-рэ ирокъу.
♦Совет гимнасткэ, жылагъуэ лэжьакIуэ, Олимп джэгухэм бгъуэнейрэ щытекIуа, СССР-м спортымкIэ щIыхь зиIэ и мастер Латынинэ Ларисэ и ныбжьыр илъэс 84-рэ ирокъу.
♦Актёр, режиссёр, уэрэджыIакIуэ, СССР-м и цIыхубэ артист, «Ромэн» театрым и унафэщI Сличенкэ Николай и ныбжьыр илъэс 84-рэ ирокъу.
♦СССР-ми УФ-ми самбэмрэ дзюдомкIэ щIыхь зиIэ я тренер, АР-м щIэныгъэмкIэ щIыхь зиIэ и лэжьакIуэ, педагогикэ щIэныгъэхэм я доктор, профессор, ЩIДАА-м и академик Къуэблэ Екъуб къызэралъхурэ илъэс 79-рэ ирокъу.
♦Совет актёр, УФ-м и цIыхубэ артист Виторган Эммануил и ныбжьыр илъэс 79-рэ ирокъу.
КъБР-м и цIыхубэ артист Къэжэр Борис къызэралъхурэ илъэс 71-рэ ирокъу.
♦Франджым щыщ, УФ-м и гражданствэ зрата актёр Депардье Жерар и ныбжьыр илъэс 70 ирокъу.
♦Урысей актёр, режиссёр, сценарийхэр зытхыу щыта Бодров Сергей къызэралъхурэ илъэс 47-рэ ирокъу.
♦УсакIуэ, КъШР-м щIыхь зиIэ и журналист Бемырзэ Зураб и ныбжьыр илъэс 42-рэ ирокъу.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр 1 градус, жэщым щIыIэр градуси 3 щыхъунущ.
Лъэпкъ Iущыгъэ:
Акъыл зиIэм шыIэ иIэщ.
