Джылахъстэнейхэм бжьыпэр яубыд

Алыдж-урым  бэнэкIэ

Тэрч районым хыхьэ Плановскэ къуажэм и физкультурэ-узыншагъэр щрагъэфIакIуэ комплексым ныбжьыщIэхэм щра­гъэ­кIуэкIащ алыдж-урым бэнэкIэмкIэ щIыналъэ зэIуха зэ­хьэзэхуэ. Ар фэеплъ хуащIащ мы куейм щыщу япэ дыдэу ­СССР-м спортымкIэ и мастер хъуа Къаир Руслан.

Къэбэрдей-Балъкъэрым и Тэрч, Лэскэн, Май районхэм къи­щы­нэмыщIауэ, зэхьэзэхуэм кърихьэлIат Осетие Ищхъэрэ - Ала­ниемрэ Шэшэнымрэ къикIа бэнакIуэ ныбжьыщIэхэр. 
Псори зэхэту зэпеуэм зыкъызыщызыгъэлъэгъуа спортсмени 175-р я хьэлъагърэ ныбжьрэ елъытауэ ягуэшат. Абыхэм текIуэныгъэр къыщахьащ Уэдыжь Имран, Уэлджыр Аслъэн (2008 - 2009 гъэхэм къалъхуахэм я деж), Мэкъуауэ Амырлан, Саншокъуэ Ис­лъам (2010 - 2011), Къарей Имран, ФIыцIэхъу Темерлан, Шорэ Дамир, КIэрашэ Тамерлан, Емкъуж Сулеймэн, Тумэ Тамерлан (2012 - 2013), Куэзыр Алихъан, Къаир Алибэч, Джэршышэ Тимур (2014 - 2015) сымэ.
Зэрынэрылъагъущи, зэхьэзэхуэм нэхъыбэу щытекIуар хэгъэрейхэращ. Абыхэм хуагъэфэщащ саугъэт лъапIэхэмрэ щIыхь тхылъ­хэмрэ.
Хьэтау  Ислъам.