Бакъей Жэмал дунейпсо зэпеуэм макIуэ

17 апреля, 2025 - 12:11
БэнэкIэ хуитымкIэ урысейпсо зэхьэзэхуэ Орёл къалэм щекIуэкIащ мы махуэхэм. Абы щызэпеуащ къэралым и щIыналъэхэм ящыщу 57-м я спортсмен 460-м щIигъу, Къэбэрдей-Балъкъэрым и бэнакIуэ 23-рэ яхэту.
МахуищкIэ екIуэкIа зэхьэзэхуэм ди щIалэхэм медалих къыщахьащ. Япэ махуэм дыщэ медаль зыIэригъэхьащ килограмм 51-рэ зи хьэлъагъхэм я деж щыбанэ Бакъей Жэмал. Адрей щIалитхум ещанэ увыпIэхэр къахьащ. Ахэр Бакъей Темболэт (кг 48-рэ), Елмэс Къантемыр (кг 71-рэ), Джэдмышх Дамир (кг 71-рэ), Емызэш Ибрэхьим (кг 80), Джыджий Къантемыр (кг 92-рэ) сымэщ. 
Зэхьэзэхуэм бжьыпэр щызыубыда Бакъей Жэмал хэтынущ дуней псом пашэныгъэр къыщыхьыным хуэунэтIауэ мы гъэм екIуэкIыну зэIущIэм. 
Ди щIалэхэм ядэлажьэхэр ПщыукI Артур, Бэрэгъуэн Рустам, Хъубий Мурат, Iэпщэ Анзор, Щокъум Ахьмэд, Жолдащ Зэчыр сымэщ. 
АЛЫДЖЫКЪУЭ Руслан.
  • 25 просмотров
Поделиться: