Налшыкдэсхэр ятокIуэ

Къалэхэм я Кубокыр футболымкIэ къэхьыным хуэунэтIа зэхьэзэхуэ Прохладнэ щIыналъэм и Алътуд къуажэм и топджэгу губгъуэм щекIуэкIащ. «Искра - Алтуд» зыфIаща абы щызэпеуащ ди республикэм, Осетие Ищхъэрэ - Аланием, Ингушым я топджэгу ныбжьыщIэхэр. 
Зэпеуэм япэ увыпIэр къыщихьащ Налшык къалэм Iэпщэ Александр и цIэр зэрихьэу дэт спорт еджапIэм и командэм. Зэхьэзэхуэм и топджэгу нэхъыфIу къалъытащ Хъуэт Къантемыр. Командэм и тренерыр Дарчиев Аланщ. 
Осетие Ищхъэрэ - Аланием и командэхэм етIуанэ, еханэ увыпIэхэр къахьащ. Алътудым ейхэм ещанэмрэ етхуанэмрэ хуагъэфэщащ, Ингушым къикIа хьэщIэхэр еплIанэ хъуащ.