Таурыхъхэмрэ пшэкIэплъхэмрэ

«Локомотив» спорт зэгухьэныгъэм и саугъэтыр художественнэ гимнастикэмкIэ къэхьыным хуэунэтIа зэхьэзэхуэ Налшык къалэм и «Гладиатор» спорт комплексым щекIуэкIащ. «Къуршхэм я таурыхь» зыфIаща зэпеуэм хэтащ УФ-м и щIыналъэхэм ящыщу 23-м я спортсмен 500, КъБР-м и гимнасткэ 15 яхэту. 
Художественнэ гимнастикэмкIэ 1-нэ спорт разряд зиIэхэм я программэмкIэ зэпеуахэм я деж домбеякъ медаль къыщихьащ Цыцкиевэ Ландинэ, спортымкIэ мастерым и кандидатхэм я программэкIэ Махъсидэ Елизавети ещанэ хъуащ. Хъыджэбз цIыкIухэр зыгъасэр Щомахуэ Зинаидэрэ Коротковэ Натальерэщ.
«Кавказым и пшэкIэплъхэр» фIэщыгъэр зэрихьэу художественнэ гимнастикэмкIэ урысейпсо зэхьэзэхуи а махуэхэм екIуэкIащ. Ещанэ спорт разряд зиIэхэм я программэмкIэ Теувэжыкъуэ Лалинэ етIуанэ хъуащ, Дзу Алия ещанэщ. I-нэ спорт разряд зиIэхэм я программэмкIэ Мыкъуэ Милинэ етIуанэщ, Мэремкъул Аидэ ещанэщ. СпортымкIэ мастерым и кандидатхэм я деж ещанэ щыхъуащ Нурбагандовэ Раянэ. 
Тренерхэр Коротковэ Натальерэ Битиевэ Аннэрэщ.