Сербием макIуэ

13 июля, 2025 - 07:01

Урысей Федерацэм грепплингымкIэ и чемпионат Ивановэ областым щекIуэкIащ. ТекIуэныгъэхэр яIэу абы къикIыжащ Къэбэрдей-Балъкъэрым щыщ щIалэхэр.

Къэралым и щIыпIэ 50-м икIа спортсмен 400-м щIигъу зыхэта Урысей Федерацэм и чемпионатыр удэзыхьэх икIи гуащIэ хъуат. МахуитIым къриубыдэу цIыхухъухэмрэ цIыхубзхэмрэ щызэпеуащ грепплинг, грепплинг-ги лIэужьыгъуэхэмкIэ. 
Къэбэрдей-Балъкъэрым икIахэм дыщэ медалу тIу зыIэрагъэхьащ. Килограмми 100-м нэблагъэхэм я зэпеуэм къыщыпэ­лъэщын къахэкIакъым Урыс Мухьэмэд. ФIы дыдэу зыкъигъэ­лъэгъуащ Таппасханов Ислъами. Ар ефIэкIащ килограмм 92-м нэс зи хьэлъагъхэм я зэхьэзэхуэм къыщыпэувахэм. 
Урысей Федерацэм и чемпион зэрыхъуам къыдэкIуэу Урыс Мухьэмэдрэ Таппасханов Ислъамрэ иджы Iэмал ягъуэтащ мыгувэу Сербием щекIуэкIыну дунейпсо чемпионатым хэтыну. Ахэр ягъасэ Шыхъуэстэн Русланрэ Рустам Юнусрэ. 
Хьэтау Ислъам.

  • 28 просмотров
Поделиться:

Читать также:

16.04.2026 - 11:26 → Къумыкъур ещанэщ
15.04.2026 - 13:00 → БищIо Даянэ и дыщэ медалыр
10.04.2026 - 14:37 → Шэджэм щIыналъэм и бэнакIуэхэр
09.04.2026 - 18:32 → Спорт хъыбархэр
08.04.2026 - 11:57 → СПОРТ ХЪЫБАРХЭР