Урысей Федерацэм и чемпионатым хэтынущ

Шэшэным и къалащхьэ Грознэ щекIуэкIащ Кавказ Ищхъэрэ федеральнэ округым дзюдомкIэ и зэхьэзэхуэ. Абы хэтащ спортсмен 220-м щIигъу.

Ди республикэм и щIыхьыр зыхъумахэм къахэжаныкIащ дыжьын медалхэр абы къыщызыхьахэу килограмм 52-м нэс зи хьэлъагъ цIыхубзхэм я зэпеуэм хэта Мысыр Каринэрэ килограмми 100-м нэблагъэ зи хьэлъагъ цIыхухъухэм я деж щыбэна Уянаев Ислъамрэ. Ахэр я гъасэнщ Емкъужхэ Нурмухьэмэдрэ Рустамрэ, Апхуд  Анзор, Иванов Дмитрий сымэ.
Къэбэрдей-Балъкъэрым икIауэ иджыри дзюдоистиплIым зэхьэ­зэ­хуэм етхуанэ увыпIэр яубыдащ. Мысыр Каринэрэ Уянаев Ислъамрэ я гъусэу ахэр хэтынущ жэпуэгъуэ (октябрь) мазэм Екатеринбург щекIуэкIыну Урысей Федерацэм и чемпионатым.
Къэхъун  Бэч.