НОБЭ

ФокIадэм и 1, блыщхьэ

ЩIэныгъэхэм я махуэщ

Къэбэрдей-Балъкъэр Республикэм и Къэралыгъуэм и махуэщ.

Къэбэрдей-Балъкъэр Республикэм и Конституцэм и махуэщ.

 Дзэ щIыхьым и къалэ, КъБР-м и щыхьэр Налшык и махуэщ.

1569 гъэм урыс пащтыхь Иван IV и щхьэгъусэ, Идар Темрыкъуэ ипхъу Гуащэнэ (Марие) дунейм ехыжащ.

1674 гъэм адыгэпщ Муцал и къуэ Къасболэт и дзэм Азов и деж тыркудзэр щызэтрикъутащ.

1940 гъэм Тырныауз вольфрам-молибден комбинатыр лажьэу яутIыпщащ.

1940 гъэм Налшык къыщызэрагъэпэщащ адыгэ, балъкъэр балет студиехэр.

1909 гъэм къалъхуащ къэрал лэжьакIуэ, Къэбэрдей АССР-м и Совет Нэхъыщхьэм и Президиумым и УнафэщIу щыта Къудей Чэрим.

1922 гъэм къалъхуащ Совет Союзым и ЛIыхъужь Къуэш Алий.

Дунейм и щытыкIэнур

«pogoda.yandex.ru» сайтым зэритымкIэ, республикэм пшэр техьэ-текIыу щыщытынущ.   Хуабэр  махуэм градус 33 - 35-рэ, жэщым  градус 21 - 23-рэ щыхъунущ.

Лъэпкъ Iущыгъэ:

Къэсшэн согъуэт, сымыгъуэтыр къыздэкIуэнщ.

Зыгъэхьэзырар ЩхьэщэмыщI Изэщ.