Медаль хъушэ къахь

Шэшэным и къалащхьэ Грознэм щекIуэкIащ КИФЩI-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ Кавказ Ищхъэрэм и щIыналъэхэм я бэнакIуэхэр, щIалэхэри хъыджэбзхэри зэхэту, 600-м нэблагъэ, я ныбжькIэ илъэс I8-м щIимыгъуауэ. Зэхьэзэхуэм щытекIуахэр хэтынущ УФ-м пашэныгъэр къыщыхьыным хуэунэтIауэ мы гъэм иригъэкIуэкIыну зэпеуэм. 
Къэбэрдей-Балъкъэрым и командэм ехъулIэныгъэфIхэр Грознэм щызэIэригъэхьащ икIи псори зэхэту ди бэнакIуэхэм медали 8 абы къыщхьащ.
 Я хьэлъагъ елъытауэ зыхэта гупхэм япэ увыпIэр щаубыдащ Джэданэ Амырхъан (кг 46-рэ), Бийболатов Даниял (кг 8I-рэ), Щад Дилианэ (кг 70) сымэ.
Килограмм 60 зи хьэлъагъхэм я деж дыжьын медаль къыщихьащ Быгуэ Мансур. 
Уэтэр СулътIан (кг 50), Унэж Темырлан (кг 60), Ерчэн Тимур (кг 73-рэ), ШэрыIужь Айдэмир сымэ ещанэ хъуащ. 
Мыбыхэм псоми Iэмал ягъуэтащ урысейпсо зэхьэзэхуэм я зэфIэкIхэр щагъэлъэгъуэну. 
Ди командэм и тренерхэр Джэданэ Залым, Иванов Дмитрий, Апхудэ Анзор, Къуэшырокъуэ Астемыр, Дзухэ Беслъэнрэ Залымрэ, Махуэ Олег, Ким Руслан, ГъущIапщэ Самир сымэщ.