Командэ къыхэхам хагъэхьэ

25 сентября, 2025 - 11:57
Къэбэрдей-Балъкъэрым псы есынымкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ Налшык къалэм Узыншагъэр гъэбыдэнымкIэ физкультурэм и уардэунэм щекIуэкIащ. Абы щызэпеуащ республикэм и щIыналъэхэм я спортсмени 150-м щIигъу. 
Балигъхэм я деж, я ныбжь елъытауэ зыхэта гупхэм япэ увыпIэхэр къыщахьащ Сэбан Иналрэ Титневэ Дианэрэ. НыбжьыщIэхэм я зэпеуэм щытекIуащ Шакъ Ясминэрэ Локьяевэ Маликарэ.
Нэхъ цIыкIуIуэхэм я деж къыщыхэжаныкIащ Атабиевэхэ Маликарэ Алиярэ, Балъкъэр Софие, Татаренкэ Дмитрий сымэ. 
КъБР-м СпортымкIэ и министерствэм къыбгъэдэкIыу медалхэмрэ щIыхь тхылъхэмрэ иратащ япэ увыпIищыр къэзыхьахэм. 
Зэхьэзэхуэм щытекIуахэр хагъэхьащ КъБР-м и командэ къыхэхам икIи Кавказ Ищхъэрэмрэ Урысей Ипщэмрэ пашэныгъэхэр къыщыхьыным хуэунэтIауэ екIуэкIыну зэпеуэхэм ахэр хэтынущ.
КЪАНШЫУЕЙ Алим.
  • 21 просмотр
Поделиться: