ЦIыху щэджащэр зыщагъэгъупщэркъым

Къэбэрдей-Балъкъэрым и япэ Президент КIуэкIуэ Валерэ и фэеплъу «Джэдыкъуэ Плъыжь» шы комплексым щрагъэжьащ СНГ-м и чемпионат зэIуха, къитащ иджыблагъэ КъБР-м и Iэтащхьэм и телеграм-каналым. 
«Зэхьэзэхуэм хэтщ къэралипщIым щIигъум я шууеи 130-рэ. Программэм хохьэ бгылъэ гъуэгуанэу тху – километр 20, 40, 80, 120-рэ, 160-рэ зи кIыхьагъхэр.
ХьэщIэ лъапIэхэм сэлам гуапэ есхащ, зэхьэзэхуэм хэтхэм сехъуэхъуащ ехъулIэныгъэхэр яIэну, зыхуагъэувыжа къалэнхэм нэсыну, гукъинэж ящыхъуу ди республикэм зыщагъэпсэхуну. 
Зэхьэзэхуэр 2015 гъэм щегъэжьауэ ирагъэкIуэкI, 2022 гъэм Кавказ Ищхъэрэм и щIыналъэхэм я чемпионат хъуащ, нэгъабэ къыщыщIэдзауэ – урысейпсо зэхьэзэхуэхэм хыхьащ. 
Мы Iуэхугъуэ иныр къызэрагъэпэщащ УФ-м Шы спортымкIэ и федерацэм, Бахъсэн къалэ администрацэм, Мэзкуу областым и «Отрада» шы спорт клубым. ФIыщIэ ин яхузощI абыхэм, шы спортым зегъэужьынымрэ дэIэпыкъунымкIэ, Къэбэрдей-Балъкъэрми Урысей псоми я щэнхабзэмрэ хабзэмрэ хъумэнымрэ хуащI хэлъхьэныгъэхэм папщIэ», - дыкъыщоджэ Iэтащхьэм и телеграм каналым.