Миланэ дигъэгуфIэ зэпытщ

Африкэ жыжьэм къикIыу, тхэквондомкIэ (ВТВ – Олимп джэгухэм хыхьэ лIэу­жьыгъуэмкIэ) УФ-м дунейпсо классымкIэ спортым и мастер Бекъул Мила­нэ теухуа хъыбар гуапэ аргуэру къытIэрыхьащ. Ар Кением и къалащхьэ Найроби дыгъэгъазэм и 3 - 6-хэм а спорт лIэужьыгъуэмкIэ ще­кIуэкI, зы ныбжьыр илъэс 21-м щIимыгъуахэм я дунейпсо чемпионатым щытекIуащ.

Килограмм 49-рэ зи хъэ­лъа­гъэхэм я деж адыгэ пщащэм финалым щыхигъэ­щIащ Корее Ипщэм и спортс­менкэ Ги Ким Хян икIи Урысей Федерацэм и командэ къыхэхам япэ дыщэ медалыр къыхуихьащ. 
Фигу къэдгъэкIыжынщи, мазэ пIалъэм ­къ­риубыдэу Бекъулыр етIуанэ щыхъуащ Китайм и Уси къалэм ще­кIуэкIа, балигъхэм я дунейпсо чемпионатым. Абы иужь, тхьэмахуэ нэхъ дэмыкIыу, Африкэм щыIэ Экваториаль­нэ Гвинеем и Малабэ къалэм цIыхубзхэм папщIэ щызэхэта дунейпсо чемпионатым япэ увыпIэр къыщихьащ. Мис иджы, а щIыналъэ дыдэм ды­щэ медалыр щызыIэригъэхьащ. 
Бекъул Миланэ зыгъасэр УФ-м щIыхь зиIэ и тренер Ахъмэт Амирщ. 
Кением щекIуэкI чемпионатым щызэпоуэ къэрал 75-м я спортсмен, щIалэхэри хъыджэбзхэри зэхэту, 450-м щIигъу икIи, нобэкIэ, Миланэ ейм нэмыщI, дыщэ медаль УФ-м и командэм къихьакъым.