Я зэфIэкIым хагъахъуэу

21 января, 2026 - 11:11
Налшык къалэм и «Гладиатор», Кэнжэ къуажэм дэт «Вымпел» спорт комплексхэм мы махуэхэм щекIуэкIащ Урысей Федерацэмрэ Къэзахъстанымрэ дзюдомкIэ я командэ къыхэхахэм я егъэджэныгъэ-зыгъэсэныгъэ зэхуэс. 
НыбжьыщIэхэри балигъхэри зэхэту мы гъэм абы кърихьэлIащ УФ-м и спортсмену миным щIигъу. Дзюдоистхэм ядэлэжьащ УФ-м щIыхь зиIэ и тренер Ныр Сеф и цIэр зезыхьэ спорт еджапIэм и гъэсакIуэхэу Иванов Дмитрий, Тау Азэмэт, Дзухэ Беслъэнрэ Залымрэ, еджапIэм и унафэщI Тау Сэфарбий я пашэу. Апхуэдэуи, абыхэм яхэтащ икIи и щIэныгъэхэмкIэ спортсменхэм ядэгуэшащ Олимп джэгухэм я чемпион Мудрэн Беслъэн. 
КЪУЭЖЕЙ Iэмин.
  • 23 просмотра
Поделиться: