Мэзкуу щекIуэкIыну зэпеуэр къапоплъэ

28 февраля, 2026 - 08:37

Къэбэрдей-Балъкъэрым и суд приставхэм екIуу зыкъыщагъэлъэгъуащ Урысей ФССП-м унэтIыныгъэ зыбжанэкIэ зэхэт и чемпионатым. Зэхьэзэхуэр екIуэкIащ олимп щытыкIэм тету, я хьэлъагъкIэ 8-уэ гуэшауэ икIи япэу къыхагъэщIахэр хагъэкIыжу.

КъБР-м щыIэ УФССП-м и лэжьакIуэхэу Гъуэтыж Темыркъан япэ, Хьэкъул Ибрэхьим етIуанэ увыпIэхэр зэпеуэм къыщахьащ, я хьэлъагъым елъытауэ. А текIуэныгъэм абыхэм Iэмал къаритащ 2026 гъэм Мэзкуу щекIуэкIыну кIэух чемпионатым кIуэну, Кавказ Ищхъэрэ федеральнэ щIыналъэм и гуп къыхэхам хыхьэу. 
Урысей ФССП-м и чемпионатыр илъэс къэс зэхашэ я лэжьакIуэхэр къарукIэ псыхьыным, а спорт лIэужьыгъуэр къулыкъум екIуу зыхуэгъэхьэзырынымкIэ IэмалыфIу зэрыщытым хуэщIауэ.  
Я лэжьэгъухэр Темыркъанрэ Ибрэхьимрэ я текIуэныгъэмкIэ йохъуэхъу икIи я фIэщ мэхъу щIалэхэм адэкIи ерыщу я ехъулIэныгъэхэм зэрыщыпащэнур, законымрэ хабзэмрэ я телъхьэу. КIэух зэпеуэм щытекIуэнуи щогугъ. 

БАХЪСЭН Азэмэт.
  • 22 просмотра
Поделиться:

Читать также:

12.10.2026 - 14:32 → Дыщэ медалу тху
12.10.2026 - 14:29 → Спорт хъыбархэр
06.10.2026 - 18:51 → Спорт хъыбархэр
05.10.2026 - 17:00 → Спорт хъыбархэр
04.10.2026 - 16:38 → Спорт хъыбархэр