КъэралитIым зыкъыщагъэлъагъуэ

8 мая, 2026 - 11:44
Европэм и Кубокыр дзюдомкIэ къэхьыным хуэунэтIауэ дунейпсо зэхьэзэхуэхэр щрагъэкIуэкIащ Грузиемрэ Тыркумрэ. Къэбэрдей-Балъкъэрым и спортсменхэм екIуу абыхэм зыкъыщагъэлъэгъуащ икIи УФ-м и командэ къыхэхам медаль зыбжанэ къыхуахьащ.
Я хьэлъагъ елъытауэ зыхэта гупхэм Унэж Темырланрэ Джэданэ Алинэрэ япэ увыпIэхэр щаубыдащ, Хъуран Къантемыр етIуанэ хъуащ. Уэзы Iэдэмрэ Соблыр Атмиррэ ещанэхэщ.
Спортсменхэр зэхьэзэхуэхэм хуагъэхьэзыращ Джэданэхэ Залымрэ Алимрэ, Лукьянов Геннадий, Ким Руслан, Дзухэ Беслъэнрэ Залымрэ. 
 
Депутатым и фэеплъу
КъШР-м и Лъэпкъ собранэм и депутат, СССР-м дзюдомкIэ спортым и мастер Атабиев Арасул и фэеплъ зэхьэзэхуэ Черкесск къалэм щекIуэкIащ. СКФО-м и 13-нэ гъэмахуэ Спартакиадэм и ещанэ Iыхьэм къызэрыхах зэхьэзэхуэуи щытащ ар. ЩIалэхэри хъыджэбзэхэри зэхэту абы щызэпеуащ спортсмени 153-рэ, Къэбэрдей-Балъкъэрым икIа 24-р яхэту.
Килограмм 50 зи хьэлъагъхэм я деж Унэж Амырхъан япэ увыпIэр къыщихьащ. Хъурсинэ Марат (кг 46-рэ), Срыкъуэ Ибрэхьим (кг 66-рэ), Iэрыпщэ Iэдэм (кг 73-рэ), Къуэдз Алий (кг 90) сымэ етIуанэ хъуахэщ. 
ХьэщIэдыгъу Идар (кг 46-рэ), ПщыхьэщIэ Аслъэн (кг 55-рэ), Шыгъэлыгъуэ Аскэр (кг 60), Къанкъул Идар (кг 66-рэ), Шыкъ Елдар (кг 81-рэ), Мусуков Алим (кг 90) сымэ домбеякъ медалхэр къахьащ.
Ди спортсменхэм ядэлажьэр Иванов Дмитрий, Апхудэ Анзор, Дзухэ Беслъэнрэ Залымрэ, Емкъуж Рустам, Джэданэ Залым, Мырзэбэч Азэмэт, Таухэ Сэфарбийрэ Азэмэтрэ сымэщ. 
 
Каратистхэм я зэпеуэ
«Кубок Пересвета» зыфIаща урысейпсо зэхьэзэхуэ каратемкIэ щекIуэкIащ Дон Iус Ростов къалэм. Абы щызэпеуащ ди къэралым и щIыналъэхэм ящыщу 38-м я спортсмену 900-м щIигъу.
Къэбэрдей-Балъкъэрым и командэм зэхьэзэхуэм хъарзынэу зыкъыщигъэлъэгъуащ икIи дыщэ медалу 6, дыжьыну 5, домбеякъыу 8 абы къыщихьащ, гупхэм я зэпеуэми ещанэ щыхъуащ. 
 
Ди командэр япэщ
«Къалэм и гъатхэ кубок-2026» фIэщыгъэр зэрихьэу Краснодар къалэм щекIуэкIащ ныбжьыщIэхэмрэ сабийхэмрэ футболымкIэ я урысейпсо зэхьэзэхуэ. Хэгъэрейхэм нэмыщI, абы хэтащ Къэбэрдей-Балъкъэрым, Ставрополь щIыналъэм, Ульяновск, Ростов областхэм я командэхэр.
Ди республикэм и щIыхьыр яIэту зэхьэзэхуэм щыIащ КъБР-м Iэпщэ Александр и цIэр зезыхьэ, футболымкIэ и спорт еджапIэм и гъэсэнхэр икIи япэ увыпIэр абы къыщахьащ.
Абы нэмыщI, зэпеуэм и топджэгу нэхъыфIу къалъытащ Тхьэзэплъыж Ахьмэд, Лий Темырлан ди командэм и футболист нэхъ лъэщ хъуащ. Тренер нэхъыфIу къалъытари ди спорт еджапIэм и тренер Атажукин Андрейщ.
МЫСОСТ Былэ.
  • 18 просмотров
Поделиться:

Читать также:

08.06.2026 - 19:45 → Бахъсэндэсхэм я ехъулIэныгъэхэр
07.06.2026 - 15:32 → Зы дакъикъэщ тригъэкIуэдар
07.06.2026 - 14:32 → Миланэ аргуэру дегъэгуфIэ
03.06.2026 - 13:31 → Спорт хъыбархэр
31.05.2026 - 09:00 → Футбол цIыкIу