Нобэ
♦Бгыхэм я дунейпсо махуэщ
♦Танго къэфэкIэм и дунейпсо махуэщ
♦1802 гъэм император Александр Езанэм унафэ къыдигъэкIащ зэпымыууэ лэжьэну мафIэсгъэункIыфI IуэхущIапIэ Санкт-Петербург къыщызэгъэпэщыным теухуауэ. Абы лэжьэн щIидзащ 1803 гъэм и гъатхэм.
♦1815 гъэм Берже и заводу Петербург дэт япэ урыс кхъухьыр щащIащ.
♦1946 гъэм ООН-м Сабийхэм защIэгъэкъуэнымкIэ фонд (ЮНИСЕФ) къызэригъэпэщащ.
♦1956 гъэм Мэлбахъуэ Тимборэ КПСС-м и обкомым и япэ секретару хахащ.
♦2008 гъэм, Солженицын Александр къызэралъхурэ илъэс 90 щрикъум ирихьэлIэу, къызэIуахащ абы и гъащIэм и къекIуэкIыкIам, и творчествэм, урысей, дунейпсо тхыдэм щиIыгъ увыпIэм теухуа сайт. Ар зи жэрдэмыр тхакIуэм и щхьэгъусэ Солженицынэ Натальет.
♦1843 гъэм къалъхуащ нэмыцэ бактериолог цIэрыIуэ, Нобель и саугъэтыр зрата Кох Роберт.
♦1856 гъэм къалъхуащ урысей политик, публицист Плеханов Георгий.
♦1913 гъэм къалъхуащ франджы актёр, тхакIуэ, сурэтыщI, скульптор Марэ Жан.
♦1918 гъэм къалъхуащ урыс тхакIуэ, Нобель и саугъэтым и лауреат Солженицын Александр.
♦1922 гъэм къалъхуащ тхыдэ щIэныгъэхэм я доктор, КъБКъУ-м и профессор Щхьэгуэш ШотIэ.
♦1922 гъэм къалъхуащ совет теннисист, актёр, спорт комментатор цIэрыIуэу щыта, УФ-м и цIыхубэ артист Озеров Николай.
♦1930 гъэм къалъхуащ актёр, УФ-м и цIыхубэ артист Светин Михаил (и цIэ дыдэр Гольцман Михаилщ).
♦1935 гъэм къалъхуащ КъБР-м и цIыхубэ сурэтыщI Абей Виктор.
♦1949 гъэм къалъхуащ актёр, УФ-м и цIыхубэ артист Щербаков Борис.
♦1953 гъэм къалъхуащ Совет музыкант, уэрэджыIакIуэ, «Машина времени» гуп цIэрыIуэр къызэзыгъэпэща, УФ-м и цIыхубэ артист Макаревич Андрей.
♦1956 гъэм къалъхуащ КъБР-м мэкъумэш хозяйствэмкIэ щIыхь зиIэ и лэжьакIуэ Сэкрэк Владимир.
♦1967 гъэм къалъхуащ «Кабардинка» ансамблым и къэфакIуэ пажэу щыта, КъБР-м и цIыхубэ артисткэ Егъэн (Багъэтыр) Мадинэ.
♦1982 гъэм къалъхуащ Осетие Ищхъэрэ - Аланием щыщ бэнакIуэ цIэрыIуэ, дунейм тхуэнейрэ и чемпион, 2004 гъэм Афины (Алыдж) щекIуэкIа Олимп Джэгухэм дыщэ медаль къыщызыхьа, УФ-м спортымкIэ щIыхь зиIэ и мастер Гацалов Хьэжмурат.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градус 1 - 2, жэщым щIыIэр 1 градус щыхъунущ.
Лъэпкъ Iущыгъэ:
Уи къуэрэ уи нысэрэ къахуэбублэр къалэнщ.
