Футбол цIыкIу

Урысей гвардием и управленэу КъБР-м щыIэм и IэнатIэ хэхахэм я хэщIапIэм щекIуэкIащ футбол цIыкIумкIэ чем­пио­нат. Абы хэтащ щIыналъэ командэу 5. Ар траухуат а IэнатIэр илъэси 10 зэрырикъум.

Зэпеуэм и япэ Iыхьэм хэта командэхэр гупитIу гуэшати, япэ, етIуанэ увыпIэхэр къэзыхьахэр финал ныкъуэм кIуащ. 
А зэIущIэхэм командэ нэхъ лъэщу плIы щызэхуэзати, те­кIуа­хэр кIэух Iыхьэм хэтащ, адрейхэр ещанэ увыпIэм щIэбэнащ.
А зэхьэзэхуэ гуащIэм щытекIуащ «Эльбрус» СОБР-м и гу­пыр, етIуанэ увыпIэр къахьащ «Вершина» ОМОН-м и лIы­кIуэ­хэм, Ведомствэм щIэмыт хъумакIуэ управленэм и гупыр ещанэщ. 
Зэхьэзэхуэхэр щызэхуащIыжым, Урысей гвардием и щIыналъэ управленэм я ветеранхэм я советым и тхьэмадэ, полицэм и полковникыу къулыкъум  хэкIыжа Хужьокъуэ Руслан зэпеуэм хэтахэм ехъуэхъури, текIуахэмрэ къыхэжаныкIахэмрэ чемпионатым и щIыхь тхылъхэмрэ кубокхэмрэ яритащ.