Календарь событий

«ГъуэгуфI шынагъуэншэхэр» лъэпкъ проектым тету ирагъэ­кIуэкI лэжьыгъэхэм Къэбэрдей-Балъкъэрым щыпащэ. Республикэм и район псоми щIыналъэ мыхьэнэ зиIэ гъуэгухэр къыщагъэщIэрэщIэж.

Ди республикэм и мэкъумэш IуэхущIапIэхэм япэ хэгъуэр ­зэхаублащ.

Къэзахъстаным и Алматы къалэм щекIуэкIащ Къэрал Щхьэ­хуитхэм я Зэныбжьэгъугъэм (СНГ) хыхьэхэм я ещанэ дзэ-спорт джэгухэр. Абы армэ IэпщэрызауэмкIэ дыщэ медалыр къы­щихьащ ди лъахэгъу Хьэсанэ Мурат.

Москва щыIэм XXI лIэщIы­гъуэм и галереем бадзэуэгъуэм и 7-м къыщызэIуаха «Другой тек­стиль: другой текст/другой ­стиль» выставкэм хагъэхьащ УФ-м и СурэтыщIхэм я зэгу­хьэныгъэм хэт ди хэкуэгъу Iэп­щIэлъапщIэ, пасэрей лъэпкъ IэщIагъэм и хъумакIуэ, ар-джэнхэр къэзыгъэщIэрэщIэж Мэзло Руслан и лэжьыгъэхэр.

ЗэрытщIэщи, лъэпкъым къы­дэгъуэгурыкIуэ IэщIагъэхэр ­нэхъ зи пщэрылъу щытар цIыхубзырщ. Унагъуэм къихъуа хъыджэбзыр зыхуамыгъасэ, зыхуамыгъэIущ щыIэу щытакъым. Адыгэ унагъуэм къихъуа цIыхупсэр IэфIу пщафIэрт, дзапэ уэрэдкIи ­благъэхэр игъэгуфIэрт, мэлэчыпхъухэм я хъарыби зэIуищэрт. ЗыхуэмыIэзэ щымыIэу къагъэхъу дахэр и чэзум щынэсым езым бгъэдэлъ фIымкIэ гуашэрт. Нобэ си псэлъэгъу хъыджэбзыр и зэфIэкIкIэ, и Iуэху зехьэкIэкIэ «Адыгэ ­псалъэ» газетым и щIэджыкIакIуэхэм къыддогуашэ. Ар Щоджэн Лианэ Арсен и пхъурщ. Малкэ  къуажэм къыщалъхуа пщащэм и цIэр фIыкIэ жыжьэ Iуащ.

Вэрокъуэ Владимир и цIэр зезыхьэ КъБР-м ЩэнхабзэмкIэ и фондым къыщапщытэжащ сурэт щIынымкIэ сабийхэм пап­щIэ къызэрагъэпэща «В слове «МЫ» - сто тысяч «Я» ещанэ ­республикэ фестиваль-зэпеуэм кърикIуахэр. Ар къы­зэрагъэ­пэщащ Къэбэрдей-Балъкъэр Республикэр илъэси 100 зэры­рикъум и щIыхькIэ.