|
|
Литературэ
24 февраля, 2026 - 09:47
Тхьэхэм я хъуэхъум и гур хегъахъуэри, Мардыкъуэ мэхъуапсэ телъыджэ гуэр къигъэщIыну. Ар Уэтхьэ деж макIуэри, игу илъыр хуеIуатэ:
24 февраля, 2026 - 08:15
Адыгэ хъыбархэмрэ таурыхъхэмрэ гъэщIэгъуэну къыщыгъэлъэгъуащ мэз, унагъуэ псэущхьэхэр. Ахэр мэпсалъэ, бзаджагъэ йокIуэ, зэпоуэ. Псэущхьэхэм я хьэл-щэнхэмкIэ къызэпкърыха мэхъу фIымрэ Iеймрэ, насыпым, къулеягъэм, нэгъуэщI хъугъуэфIыгъуэхэми я Iэмалхэр. ДАДЭ Адэлбий итхыжахэм ящыщщ «Доныжь цIыкIу и бжэнибгъур» хъыбарыр. ЩIагъыбзэ гъэщIэгъуэн хэлъщ мыбы лъэщагъым, акъылым, IэкIуэлъэкIуагъэм теухуауэ.
ГЪУЭТ Синэ.
20 февраля, 2026 - 10:00
Къэрэшей-Шэрджэсым щэнхабзэмкIэ щIыхь зиIэ и лэжьакIуэ, Урысейм и ТхакIуэхэм я зэгухьэныгъэм хэта Шэрджэс Алий Хьэтхыкъуэ Мыхьэмэт-гъуазэм теухуа хъыбарыр къыжезыIэжар Къэрэшей-Шэрджэсым щежэх Инжыдж ЦIыкIу и Iуфэм Iус Зеикъуэ къуажэм дэса Чыржын Хъусинщ.
19 февраля, 2026 - 14:00
Iэщыж Борис и тхыгъэхэм нэхъыбэу лъабжьэ яхуэхъуар сыт щыгъуи гъащIэм щызэпэщIэт фIымрэ Iеймрэ цIыхухэр зэрагъэувэ щытыкIэ зэхуэмыдэхэрщ. Абыхэм ящыщ дэтхэнэми зы гупсысэ гуэрым утришэу, гъащIэм ухуигъэIущу апхуэдэщ. Нэхъыщхьэращи, Борис и рассказхэм щыгъуазэ зыхуэпщIа нэужь, уи фIэщ мэхъу тхакIуэм и IэдакъэщIэкIхэр ди литератруэм хэтын зэрыхуейри, ахэр щIэджыкIакIуэхэм гунэс зэращыхъунури.
Тхьэхущынэ Ланэ.
Хьэжкурий
19 февраля, 2026 - 08:18
Налшык къалэм и Къэбэрдей уэрамым тетщ Къэбэрдей-Балъкъэрым и Къэрал саугъэтыр зыхуагъэфэща усакIуэ гъуэзэджэ Къэшэж Иннэ и сурэтрэ усэрэ зытеплъагъуэ скульптурэ. Хабзэ зэрыхъуауэ, мазаем и 12-м, Иннэ къыщалъхуа махуэм, абдеж щызэхуос Къэшэжым и IэдакъэщIэкIхэр фIыуэ зылъагъухэр. ЗэIущIэр къызэригъэпэщащ КъБР-м Тхылъыр фIыуэ зылъагъухэм я зэгухьэныгъэм, Налшык къалэ администрацэр и дэIэпыкъуэгъуу.
18 февраля, 2026 - 09:06
Къэбэрдей-Балъкъэрым и цIыхубэ усакIуэ, КъБР-м и Къэрал саугъэтым и лауреат Тхьэгъэзит Зубер лIэщIыгъуэ ныкъуэм щIигъуауэ ди лъэпкъ литературэм хьэлэлу хуэлажьэ усакIуэ гуащIафIэщ. А зэманым къриубыдэу абы и Iэдакъэм къыщIэкIащ «Бгым сыдокI», «Тэрч макъамэхэр», «Джэрпэджэж», «ЩIымрэ уафэмрэ», «Гугъэ», «Къеблагъэ», «Гуапагъэ», «Тхыгъэхэр» томитIым щызэхуэхьэсауэ, «Усыгъэхэр» тхылъхэр. Апхуэдэу урысыбзэкIэ зэдзэкIауи дунейм къытехьащ «Эхо весны», «Горы молчат», «Иду к тебе», «Лицо земли», «Рождение песни» жыхуиIэхэр, нэгъуэщIхэри.
17 февраля, 2026 - 12:10
Ди анэдэлъхубзэм (кIахэ, къэбэрдей диалектхэм) и беягъэр къэзыгъэлъагъуэщ щIыуэпсым и теплъэ зэмылIэужьыгъуэхэм епха псалъэхэмрэ щIым (щIыгум) и зэхэлъыкIэр зыгъэнаIуэ жыIэгъуэхэмрэ куэду дызэриIэр. Дауи, мыбдежым а псори къыщытхуэхьынкъым, ауэ гу нэхъ зылъыттахэм ящыщ зыбжанэм датепсэлъыхьынщ.
Аранэ - къуршхэм я папцIапIэ дыдэ, бгы лъагэм и щыгу.
Бгы - къэзыухъуреихь щIыпIэм хэIэтыкIа лъагапIэ. «Бгы лъагэ». «Бгым дэкIын».
Бгыжьэ - бгы дурэш зэв. «Бгыжьэм и лъабжьэр кIыхьу, куууэ щIэупщIыкIат». (Шортэн Аскэрбий)
17 февраля, 2026 - 11:52
5 Iыхьэ
 Мардыкъуэ Уафэр иджу зэригъэпцIэжа нэужь, вагъуэхэмрэ Дыгъэ-Мазэмрэ къигъэщIри, иригъэтIысхьэжащ. Абдеж щыщIэдзауи, жэщымрэ махуэмрэ зызэблахъуу къэунэхуащ. КъыкIэлъыкIуэу абы къигъэщIащ къэкIыгъэхэмрэ псэущхьэхэмрэ.
Мы Iыхьэр теухуащ адрей тхьэхэм Мардыкъуэ я тхьэшхуэу къызэращтам, ар Тхьэшхуэ зэрыхъуам.
Страницы
|
