КIуэкIуэ Казбек и хъуэхъу

КъБР-м и Iэтащхьэ КIуэкIуэ Казбек Урысей гвардием Къэбэрдей-Балъкъэр РеспубликэмкIэ и управленэм и дзэ къулыкъущIэхэм, лэжьакIуэхэм, ветеранхэм ехъуэхъуащ Урысей Федерацэм и лъэпкъ гвардием и дзэхэм я МахуэмкIэ:
«Урысей гвардиер цIыхухэмрэ жылагъуэмрэ я шынагъуэншагъэр къызэзыгъэпэщ зыуэ щыт къэрал IэнатIэм хэту мыхьэнэшхуэ дыдэ зиIэ къарухэм ящыщщ, абы Урысейм и лъэпкъ сэбэп зыхэлъхэмрэ суверенитетымрэ быдэу ехъумэ, терроризмэм, зэщIэгъэуIуауэ ялэжь щIэпхъаджагъэхэм япэщIэтынымкIэ, мыхьэнэ зиIэ щIыпIэхэр хъумэнымкIэ, хабзэр къызэгъэпэщынымкIэ къалэн инхэр егъэзащIэ.
 ЗэфIэувэным икIи зиужьыным егъэщIылIа лъэхъэнэ псоми Урысей гвардием и щIэгъэкъуэн нэхъыщхьэу щытащ икIи къонэж зауэлIхэмрэ абыхэм я унафэщIхэмрэ я щIыхьымрэ хахуагъэмрэ, ахэр Хэкумрэ цIыхубэмрэ пэжыныгъэкIэ къулыкъу зэрыхуащIэр.
Мы зэманым Урысей гвардием хэтхэм ар белджылы къыщащI лIыгъэрэ тегушхуэныгъэрэ яхэлъу зауэ Iуэху хэхам щрагъэкIуэкI зауэ лэжьыгъэ гугъум икIи бэшэчыгъэрэ хахуагъэрэ къыщагъэлъагъуэ.
Гурэ псэкIэ фIыщIэ фхузощI фи къулыкъур хьэлэлу зэрефхьэкIым, фи къалэнымрэ тхьэрыIуэмрэ фазэрыхуэпэжым къыхэкIыу. Си гум къыбгъэдэкIыу сынывохъуэхъу узыншагъэ фиIэну, псэ быдагъэ фхэлъыну икIи фи Хэкум и фIыгъуэм тещIыхьауэ хэлъу ефхьэкI къулыкъум дяпэкIи ехъулIэныгъэхэр къыщыфхьыну»,- дыкъыщоджэ щIыналъэм и Iэтащхьэм и хъуэхъум.