Зэдэлэжьэныгъэр ирагъэфIакIуэ

Ди республикэм и Iэтащхьэ КIуэкIуэ Казбек лэжьыгъэ IуэхукIэ хуэзащ «Газпромбанк»-м и лIыкIуэхэу гъэзэщIакIуэ вице-президент, Ипщэ щIыналъэмкIэ IэнатIэм и унафэщI Селютин Сергейрэ вице-президент-банк хуэIу­­хуэщIэхэм зегъэужьынымкIэ департамен­-  тым и унафэщI Завьялов Михаилрэ. ЗэIу­- щIэм апхуэдэу хэтащ КъБР-м и Прави­тельствэм и УнафэщI Мусуков Алий, япэ вице-премьер ­Къуныжь МуIэед, КъБР-м экономикэ зыу­жьыныгъэмкIэ и министр Рахаев Борис сымэ. 

ЗэIущIэм щытепсэлъыхьащ Къэбэрдей-­Балъкъэр Республикэмрэ «Газпромбанк» акционер зэгухьэныгъэмрэ я зэдэлэжьэныгъэр егъэфIэкIуа зэрыхъуну Iэмалхэм. Къапщтэмэ, екIуэкIа псалъэмакъым къыщаIэтащ зэгъусэу ягъэзащIэ хъуну инвестицэ пэхуэщIэхэмрэ про-граммэхэмрэ, хьэрычэтыщIэхэмрэ цIыху щхьэхуэхэмрэ ехьэлIауэ, апхуэдэуи къэрал мылъкури унейри щызэхэлъ пэхуэщIэхэри къагъэнэIуащ. Псори хуэгъэпсащ Къэбэрдей-Балъкъэрым и промышленностымрэ мэкъумэш ­IэнатIэмрэ нэхъри зегъэужьыным.   
 Селютин Сергей къыхигъэщащ щIыналъэхэм ядэлэжьэным зи лIыкIуэ IэнатIэм мыхьэнэшхуэ дапщэщи зэрыщратыр. Абы дыщIигъуащ Къэбэрдей-Балъкъэрым IэмалыфIхэр зэриIэр зытепсэлъыхь унэтIыныгъэхэм зегъэужьынымкIэ.
КIуэкIуэ Казбек жиIащ банкымрэ республикэмрэ я зэдэлэжьэныгъэм щIыналъэм нэхъри зэрызригъэужьынур.