ЛIыкIуэр щегъэгъуазэ

УФ-м и Президентым и полномочнэ лIыкIуэу КИФЩI-м щыIэ Чайкэ Юрий КъБР-м и Iэтащхьэ КIуэкIуэ Казбек Псыхуабэ щыIущIащ. 

Ахэр тепсэлъыхьащ УФ-м и Президент Путин Владимир Урысейм 2030 гъэм, укъуэдияуэ къапщтэмэ - 2036 гъэм пщIондэ зэрызиужьынум теу­хуауэ къыдигъэкIа Указым ипкъ иткIэ лэжьыгъэхэр зэрекIуэкIым, абы ищIа унафэщIэхэм, республикэм и социально-экономикэ зыужьыныгъэм гулъытэ нэхъыбэ зыщыхуэщIын хуей лъэныкъуэхэм. 
Республикэм и Iэтащхьэм полномочнэ лIыкIуэр щыгъуазэ ищIащ экономикэм и Iуэхур зыIутыр къэзыгъэлъагъуэ бжыгъэхэм, иужьрей мазитхум наIуэ къэхъуа зэхъуэкIыныгъэфIхэм. Республикэм и мылъкум хэхъуэ зэриIэм и фIыгъэкIэ бюджетым и лэжьакIуэхэм я улахуэм хагъэхъуэну Iэмал щыIэщ, цIыхубэр зыхуей хуэзэн папщIэ къыкъуэкI къалэнхэр ягъэзащIэ. Лъэпкъ проектхэм хиубыда ухуэныгъэ лэжьыгъэхэр йокIуэкI, унэхэр зэIузэпэщ ящI, зыхуей хуэгъэзапхъэхэр нагъэс. Школи 10, амбулатори 8, Налшык поликлиникэ, лышхым щеIэзэ диспансер, творческэ щIалэгъуалэм папщIэ центр, спортым, щэнхабзэм епха унэхэр, щIалэ­гъуалэ центрхэр къызэIуахащ. ЩIыналъэр хуэ­хьэзырщ сабий садхэр зэгъэпэщыжынымкIэ къэ­рал программэм хэтыну, республикэм и бюджетымкIэ сабий IыгъыпIитI зэрахьэн щIадзащ. 
Гулъытэшхуэ хуащI дзэ Iуэху хэхам хэтхэмрэ абыхэм я унагъуэхэмрэ защIэгъэкъуэным. Ар я ­къалэнщ республикэм и къулыкъущIапIэ псоми, муниципалитетхэм я деж щегъэжьауэ. Къинэ­мы­щIауэ, «Хэкум и хъумакIуэхэр» къэрал фондым и филиалми, цIыхубэ зэгухьэныгъэхэми, хьэрычэ­ты­щIэ­хэми, республикэм щыпсэухэми абы и Iуэху зэрахуэ. ЗауэлIхэр зыщIэлъэIум елъытауэ, щIэх-щIэхыурэ ахэр здэщыIэм хьэлъэзешэхэр ягъакIуэ. 
КIуэкIуэ Казбек Чайкэ Юрий фIыщIэ хуищIащ цIыхубэм я гъащIэр езыгъэфIакIуэ лъэныкъуэ псомкIи щIыналъэм зэрызыкъыщIигъакъуэм пап­щIэ.