«Арабеск»-р къофэ

Налшык Сабийхэмрэ щIалэгъуалэмрэ творчествэмкIэ я унэм щекIуэкIащ иджы­рей къафэхэмкIэ «Арабеск» сабий ансамблым и пшыхь.

Гупым и унафэщI Добросердовэ Лилие жиIащ пшыхьыр гупыр зыхунэсахэр къызэ­щIэзыкъуэжу зэрыщытыр, ар мы гъэм илъэс 14 зэрырикъуми зэрыхуэгъэзар. 
- Мы гъэм, дызэрыщыIэрэ бжыгъэ хъурей мы­хъуами, дэ абы мыхьэнэ идот. «Арабеск»-р илъэс 14 ирокъу. АтIэ ныбжьыщIэхэм къэралым и цIыху зэрыхъумкIэ дэфтэр нэхъыщхьэр - паспортыр - къащыIэрыхьэ хабзэр а ныбжьращи, ди гупми и зэфIэкIхэм хэдгъэхъуэну ди гугъэщ, - жиIащ абы. 
Пшыхьыр къызэIуахащ ансамблым хэт пщащэ нэхъыжьхэм ягъэзащIэ «Берёзка» ­къафэмкIэ. КъыкIэлъыкIуэу зыкъагъэлъэ­гъуащ нэхъыщIэ дыдэхэм – илъэси 4-5 хъу цIыкIухэм. КъэфакIуэ гупым и гъэсэнхэм ­къагъэлъэгъуащ я лъэр екIуу зэ­рыщIэкIри, утыкум дахэу зэритыфри, актёр зэфIэкI зэраIэри. Пшыхьым хэтащ «Кройка и шитьё» ныбжьыщIэ зэгухьэныгъэри. Абыхэм ягъэ­лъэгъуащ езыхэм яда фэилъхьэгъуэхэр. 
Пшыхьым хэтахэм хуагъэфэщащ щIыхь тхылъхэр. Ар зэхуащIыжащ махуэшхуэ тортрэ творчествэмкIэ унэм и гупэм щыдрагъэуея хьэрэкIытIэмкIэ.