Къэбэрдей-Балъкъэр Республикэм и Правительствэм и Унафэ

30 сентября, 2024 - 13:28

Къэбэрдей-Балъкъэр Республикэм зи школ кIуэгъуэ мыхъуахэр щегъэджэным теухуа егъэджэныгъэ программэр щызыгъэзащIэ еджапIэ IуэхущIапIэхэм сабийм зэращыкIэлъыплъым икIи зэрыщызэрахьэм пэкIуэу адэ-анэм щIат пщIэм щыщ Iыхьэу хухалъхьэжынур зэрагъэувыну икIи ар зэрыратыну щIыкIэм и IуэхукIэ

 2024 гъэм фокIадэм и 25-м Налшык къалэ №I46-ПП
 «Егъэджэныгъэм и IуэхукIэ» Къэбэрдей-Балъкъэр Республикэм и Закон №23-РЗ-уэ 2014 гъэм мэлыжьыхьым и 24-м къыдэкIам и 11-нэ статьям ипкъ иткIэ Къэбэрдей-Балъкъэр Республикэм и Правительствэм унафэ ещI:
1. Къэбэрдей-Балъкъэр Республикэм зи школ кIуэгъуэ мыхъуахэр зэрырагъаджэ программэр щызыгъэзащIэ еджапIэ IуэхущIапIэхэм сабийм зэращыкIэлъыплъым икIи ар зэрыщызэрахьэм пэкIуэу адэ-анэм щIат пщIэм щыщ Iыхьэу хухалъхьэнур зэрагъэувыну икIи зэрыратыну щIыкIэм теухуа Положенэр къэщтэн.
2. Къэбэрдей-Балъкъэр Республикэм егъэджэныгъэ лэжьыгъэ щезыгъэкIуэкI икIи зи школ кIуэгъуэ мыхъуахэр зэрырагъаджэ программэр щызыгъэзащIэ къэрал, муниципальнэ еджапIэ IуэхущIапIэхэм сабийхэм зэращыкIэлъыплъым икIи ахэр зэрыщызэрахьэм пэкIуэу адэ-анэм щIат пщIэр 2024 гъэм ику иту сом1777,0-рэ хъууэ гъэувын.
3. «Къэбэрдей-Балъкъэр Республикэм зи школ мыхъуахэр зэрырагъаджэ егъэджэныгъэ программэр щызыгъэзащIэ еджапIэ IуэхущIапIэхэм сабийм зэращыкIэлъыплъым икIи ар зэрыщызэрахьэм пэкIуэу адэ-анэм щIат пщIэм щыщ Iыхьэ хухалъхьэжыным и IуэхукIэ» 2016 гъэм шыщхьэуIум и 26-м Къэбэрдей-Балъкъэр Республикэм и Правительствэм къыдигъэкIа унафэ №166-ПП-м къару имыIэжу къэлъытэн.
4. Мы унафэм къару егъуэт официальнэу къызэрытрадзэрэ махуипщI дэкIа иужь икIи ар ялъоIэс 2024 гъэм фокIадэм и 1-м къыщыщIэдзауэ зэфIэува хабзэ зэхущытыкIэхэм.
Къэбэрдей-Балъкъэр Республикэм и Правительствэм и УнафэщI Мусуков Алий.

 

  • 36 просмотров
Поделиться: