Къэбэрдей-Балъкъэр Республикэм и Парламентым и Унафэ

«IуэхущIапIэхэм я мылъкум тралъхьэ налогым и IуэхукIэ» Къэбэрдей-Балъкъэр Республикэм и Законым и 2-нэ статьям зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законым теухуауэ
Къэбэрдей-Балъкъэр Республикэм и Парламентым и Унафэ

Къэбэрдей-Балъкъэр Республикэм и Парламентым унафэ ещI:
1. «IуэхущIапIэхэм я мылъкум тралъхьэ налогым и IуэхукIэ» Къэбэрдей-Балъкъэр Республикэм и Законым и 2-нэ статьям зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законыр къэщтэн.
2. Мы Законыр Къэбэрдей-Балъкъэр Республикэм и Iэтащхьэм хуегъэхьын Iэ тридзэн икIи хэIущIыIу ищIын папщIэ.
3. Мы Унафэм къару егъуэт къыщащта махуэм щегъэжьауэ.
Къэбэрдей-Балъкъэр Республикэм и Парламентым и УнафэщI Егоровэ Татьянэ.
Налшык къалэ
2024 гъэм жэпуэгъуэм и 31-м
№39-П-П

«IуэхущIапIэхэм я мылъкум тралъхьэ налогым и IуэхукIэ» Къэбэрдей-Балъкъэр Республикэм и Законым и 2-нэ статьям зэхъуэкIыныгъэхэр хэлъхьэным и IуэхукIэ»
 

 Къэбэрдей-Балъкъэр Республикэм и Закон

Къэбэрдей-Балъкъэр Республикэм и Парламентым къищтащ 2024 гъэм жэпуэгъуэм и 31-м

1-нэ статья
 «IуэхущIапIэхэм я мылъкум тралъхьэ налогым и IуэхукIэ» Къэбэрдей-Балъкъэр Республикэм и Закон №102-РЗ-уэ 2003 гъэм щэкIуэгъуэм и 27-м къыдэкIам (Правовой информацэм и официальнэ интернет-портал (www.pravo.gov.ru ) мыпхуэдэ зэхъуэкIыныгъэхэр хэлъхьэн:
1) 2-нэ Iыхьэр мыпхуэдэу тхын:
«2. Мы статьям и 4-нэ, 5-нэ, 6-нэ Iыхьэхэм е Урысей Федерацэм и Налог кодексым занщIэу щыгъэува налогхэр зыхуэдизхэр хагъэкIауэ зи кадастр уасэр зэраубзыху налог лъабжьэм ехьэлIауэ ягъэIэпхъуэ мыхъу мылъкур тралъхьэ налогыр процент 2,0-рэ хъууэ ягъэув.»;
2) 3-нэ Iыхьэм къару имыIэжу къэлъытэн;
3) 5-нэ Iыхьэм «2024 - 2026 гъэхэм» псалъэхэр «2024 гъэм къыщыщIэдзауэ» псалъэхэмкIэ щызэхъуэкIын;
4) 6-нэ Iыхьэм мыхэр щIыгъужын:
«6. ЯгъэIэпхъуэ мыхъу мылъкур зи налог лъабжьэр кадастр уасэу къалъытэхэм икIи дэтхэнэми и кадастр уасэр сом мелуан 300-м щIигъухэм налогыу хуагъэув процент 2,5-рэ».
2-нэ статья
Мы Законыр официальнэу къыщытрадза махуэм къару зыгъуэт 1-нэ статьям и 3-нэ пунктыр хэмыту мы Законым къару егъуэт 2025 гъэм щIышылэм и 1-м щегъэжьауэ.
Къэбэрдей-Балъкъэр Республикэм и Iэтащхьэ КIуэкIуэ Казбек
Налшык къалэ
2024 гъэм щэкIуэгъуэм и 12-м
№34-РЗ