Къэбэрдей-Балъкъэр Республикэм и Парламентым и деж щыIэ ЩIалэгъуалэ палатэм щIэуэ (ебгъуанэу) хахахэр къэщтэным и IуэхукIэ
Къэбэрдей-Балъкъэр Республикэм и Парламентым и деж щыIэ ЩIалэгъуалэ палатэм теухуа Положенэу Къэбэрдей-Балъкъэр Республикэм и Парламентым 2009 гъэм жэпэугъуэм и 3I-м «Къэбэрдей-Балъкъэр Республикэм и Парламентым и деж щыIэ ЩIалэгъуалэ палатэм теухуа Положенэм и IуэхукIэ» къыдигъэкIа унафэ №177-П-П-мкIэ щIэгъэбыдам и 4-нэ Iыхьэм и 4.2-нэ пунктым ипкъ иткIэ Къэбэрдей-Балъкъэр Республикэм и Парламентым унафэ ещI:
1. Къэбэрдей-Балъкъэр Республикэм и Парламентым и деж щыIэ ЩIалэгъуалэ палатэм щIэуэ (ебгъуанэу) хахахэр къэщтэн мыбы щIыгъу гуэдзэным къызэрыщыгъэлъэгъуам тету.
2. Мы Унафэм къару егъуэт ар къыщащта махуэм щегъэжьауэ.
Къэбэрдей-Балъкъэр Республикэм и Парламентым и УнафэщI ЕГОРОВЭ Татьянэ
Налшык къалэ
2025 гъэм мазаем и 27-м
№118-П-П
Къэбэрдей-Балъкъэр Республикэм и Правительствэм и языныкъуэ унафэхэм къару ямыIэжу къэлъытэным и IуэхукIэ
Къэбэрдей-Балъкъэр Республикэм и Правительствэм и Унафэ
2025 гъэм гъатхэпэм и 3-м Налшык къалэ №19-ПП
Къэбэрдей-Балъкъэр Республикэм и Правительствэм унафэ ещI:
1. Къэбэрдей-Балъкъэр Республикэм и Правительствэм и унафэхэм ящыщу къару имыIэжу къэлъытэн:
«ХьэрычэтыщIэ лэжьыгъэ мащIэм хэтхэу социальнэ хьэрычэтыщIэхэм я реестрым хагъэхьахэм икIи (е зи ныбжьыр илъэс 25-м нэса цIыхухэм хьэрычэтыщIэ лэжьыгъэ мащIэмрэ курытымрэ щыщхэу къызэрагъэпэщахэм субсидие теплъэ яIэу грантхэр зэрыхуаутIыпщыну щIыкIэр къэщтэным и IуэхукIэ» 2022 гъэм шыщхьэуIум и 16-м къыдэкIа №190-ПП-м («Официальная Кабардино-Балкария», 2022, №34);
«Къэбэрдей-Балъкъэр Республикэм и Правительствэм 2022 гъэм шыщхьэуIум и 15-м къищта унафэ №190-ПП-м зэхъуэкIыныгъэхэр хэлъхьэным и IуэхукIэ» 2023 гъэм мазаем и 7-м къыдэкIа №15-ПП-м («Официальная Кабардино-Балкария», 2023, №5);
Къэбэрдей-Балъкъэр Республикэр гъэлъэгъуэныгъэ-жармыкIэ Iуэхухэм хэтыныр зэтраухуэн икIи къызэгъэпэщын мурадкIэ «Къэбэрдей-Балъкъэр Республикэм ХьэрычэтыщIэ лэжьыгъэр дэIыгъынымкIэ и центр» щIыналъэ фондым субсидие теплъэ иIэу грант зэрыратыну щIыкIэр ягъэувыным и IуэхукIэ» 2023 гъэм накъыгъэм и 3-м къыдэкIа №84-ПП-м («Официальная Кабардино-Балкария», 2023, №17);
«ХьэрычэтыщIэ лэжьыгъэ мащIэмрэ курытымрэ хэтхэу социальнэ хьэрычэтыщIэхэм я реестрым хагъэхьахэм икIи (е) зи ныбжьыр илъэс 25-м нэса цIыхухэм хьэрычэтыщIэ лэжьыгъэ мащIэмрэ курытымрэ щыщхэу къызэрагъэпэщахэм субсидие теплъэ яIэу грантхэр зэрыхуаутIыпщыну щIыкIэм зэхъуэкIыныгъэхэр хэлъхьэным и IуэхукIэ» 2023 гъэм шыщхьэуIум и 11-м къыдэкIа №160-ПП-м («Официальная Кабардино-Балкария», 2023, №32);
«ХьэрычэтыщIэ лэжьыгъэ мащIэмрэ курытымрэ хэтхэу социальнэ хьэрычэтыщIэхэм я реестрым хагъэхьахэм икIи (е) зи ныбжьыр илъэс 25-рэ нэса цIыхухэм хьэрычэтыщIэ лэжьыгъэ мащIэмрэ курытымрэ щыщхэу къызэрагъэпэщахэм субсидие теплъэ яIэу грантхэр зэрыратыну щIыкIэм зэхъуэкIыныгъэхэр хэлъхьэным и IуэхукIэ» 2023 гъэм фокIадэм и 29-м къыдэкIа №208-ПП-м («Официальная Кабардино-Балкария», 2023, №39).
2. Мы унафэм и 1-нэ пунктым къыщыгъэлъэгъуа правовой актхэм я положенэхэу Къэбэрдей-Балъкъэр Республикэм и Правительствэм и унафэхэмкIэ щIэгъэбыдар икIи Урысей Федерацэм и Бюджет кодексым и 78-нэ статьям къызэрыщыгъэлъэгъуам тету субсидие теплъэ яIэу грантхэр иратыныр зезыгъакIуэхэр зи гугъу тщIа правовой актхэм тету субсидие теплъэ яIэу грантхэр щраткIэ зэфIэува хабзэ зэхущытыкIэхэр иухыхукIэ, апхуэдэу зи гугъу тщIа хабзэ зэхущытыкIэхэм къитIасэу субсидие теплъэ яIэу грантыр зыIэрыхьэм зыхуигъэувыжа къалэнхэр игъэзэщIэхукIэ къагъэсэбэпу гъэувын.
Къэбэрдей-Балъкъэр Республикэм и Правительствэм и УнафэщI МУСУКОВ Алий.
