Къэбэрдей-Балъкъэр Республикэм и Парламентым и Унафэ

 

Къэбэрдей-Балъкъэр Республикэм и Парламентым унафэ ещI:

1. «Къэбэрдей-Балъкъэр Республикэм езыхэм яфIэфIу ящIэ (волонтерыгъэ) лэжьыгъэм и IэнатIэм зэхущытыкIэхэр щызегъэкIуэным и IуэхукIэ» Къэбэрдей-Балъкъэр Республикэм и Законыр къэщтэн.

2. Мы Законыр Къэбэрдей-Балъкъэр Республикэм и Iэтащхьэм хуегъэхьын абы Iэ тридзэн икIи хэIущIыIу ищIын папщIэ.

3. Мы Унафэм къару егъуэт ар къыщащта махуэм щегъэжьауэ.

2025 гъэм мэлыжьыхьым и 24-м

№143-П-П

 

 къищтащ            2025 гъэм мэлыжьыхьым и 24-м

1-нэ статья. Мы Законым зэригъакIуэ Iуэхур

 «ПсапащIэ лэжьыгъэмрэ езыхэм яфIэфIу ящIэ (волонтерыгъэ) лэжьыгъэмрэ я IуэхукIэ» Федеральнэ закон №I35-ФЗ-уэ I995 гъэм шыщхьэуIум и II-м къыдэкIамрэ (адэкIэ Федеральнэ законщ) нэгъуэщI федеральнэ законхэмрэ япкъ иткIэ мы Законым зэрегъакIуэ Къэбэрдей-Балъкъэр Республикэм езыхэм яфIэфIу ящIэхэм (волонтерыгъэ) лэжьыгъэм и IэнатIэм щыщыIэ зэхущытыкIэхэр.

2-нэ статья. Къэбэрдей-Балъкъэр Республикэм и Правительствэм езыхэм яфIэфIу ящIэ (волонтерыгъэ) лэжьыгъэм и IэнатIэм щиIэ полномочиехэр

Къэбэрдей-Балъкъэр Республикэм и Правительствэм езыхэм яфIэфIу ящIэхэм (волонтерыгъэ) лэжьыгъэм и IэнатIэм щиIэ полномочиехэм хохьэ:

1) Къэбэрдей-Балъкъэр Республикэм и гъэзэщIакIуэ властым и органу езыхэм яфIэфIу ящIэ (волонтерыгъэ) лэжьыгъэм и IэнатIэм щыуполномоченнэр иубзыхуныр;

2) Къэбэрдей-Балъкъэр Республикэм и гъэзэщIакIуэ властым и органхэмрэ абыхэм я унафэм щIэт къэрал IуэхущIапIэхэмрэ езыхэм яфIэфIу ящIэ (волонтерыгъэ) лэжьыгъэм и къызэгъэпэщакIуэхэу, езыхэм яфIэфIу ящIэ (волонтерыгъэ) лэжьыгъэр къызэзыгъэпэщ IуэхущIапIэхэу Федеральнэ законым и 173-нэ статьям и 1-нэ пунктым и 2-нэ пункт къуэдзэм  къыщагъэлъэгъуа лэжьыгъэм и лIэужьыгъуэхэр зыхуэдэмрэ икIи Федеральнэ законым и 173 -нэ статьям и 1-нэ пунктым и 1-нэ пункт къуэдзэм ипкъ иткIэ зэхуэдэу хуагъэувахэмрэ къэзылъытэхэм зэрадэлэжьэну щIыкIэхэр къищтэныр;

3) Федеральнэ законым и 174 -нэ статьям и 2-нэ пунктым къыщыгъэлъэгъуа теплъэхэр къалъытауэ езыхэм яфIэфIу ящIэ (волонтерыгъэ) лэжьыгъэм хэтхэр диIыгъын папщIэ зэфIигъэкIынухэр зыхуэдэр иубзыхуныр;

4) езыхэм яфIэфIу ящIэ (волонтерыгъэ) лэжьыгъэм щаIэ полномочиехэу федеральнэ законодательствэмрэ Къэбэрдей-Балъкъэр Республикэм и законодательствэмрэ Урысей Федерацэм и щIыналъэм и гъэзэщIакIуэ орган нэхъыщхьэмрэ Къэбэрдей-Балъкъэр Республикэм и Правительствэмрэ я полномочиехэм хагъэхьахэр пхигъэкIыныр.

Къэбэрдей-Балъкъэр Республикэм и гъэзэщIакIуэ властым и органу езыхэм яфIэфIу ящIэ (волонтерыгъэ) лэжьыгъэм уполномоченнэу щагъэувам и полномочиехэм хохьэ:

1) езыхэм яфIэфIу ящIэ (волонтерыгъэ) лэжьыгъэм и IэнатIэм теухуа къэрал политикэр пхыгъэкIыным хэтыныр;

2) лъэпкъ, щIыналъэ социально-экономикэ, экологие, щэнхабзэ, нэгъуэщI щхьэхуагъэхэр къалъытэу, езыхэм яфIэфIу ящIэ (волонтерыгъэ) лэжьыгъэр дэIыгъыным хуэгъэза Iуэхухэр къыщыгъэлъэгъуауэ Къэбэрдей-Балъкъэр Республикэм и къэрал программэхэр (программэхэм я къудамэхэр) зэхэлъхьэныр икIи пхыгъэкIыныр;

3) езыхэм яфIэфIу ящIэ (волонтерыгъэ) лэжьыгъэм хэтхэм къызэгъэпэщыныгъэ, информацэ, методикэ и лъэныкъуэкIэ, нэгъуэщIкIэ зыщIагъэкъуэныр Федеральнэ законым, Урысей Федерацэм и нэгъуэщI мардэ хабзэгъэув хабзэхэм, Къэбэрдей-Балъкъэр Республикэм и республикэ законхэм, нэгъуэщI хабзэгъэув актхэм къыщыгъэлъэгъуа теплъэхэр яIэу къызэзыгъэпэщ къэрал, муниципальнэ IуэхущIапIэхэм, псэуныгъэм хуэгъэпса коммерцэу щымыт IуэхущIапIэхэм зэрадэлажьэри хэту, ядэIэпыкъуныр;

4) езыхэм яфIэфIу ящIэ (волонтерыгъэ) лэжьыгъэр хэIущIыIу ищIыныр;

5) езыхэм яфIэфIу ящIэхэр (волонтерыгъэ) лэжьыгъэм зыщIагъэкъуэным хуэгъэза Iуэхухэр къыщыгъэлъэгъуа муниципальнэ программэхэр (программэхэм я къудамэхэр) диIыгъыныр; 

6) езыхэм яфIэфIу ящIэ (волонтерыгъэ) лэжьыгъэм  муниципальнэ къызэгъэпэщыныгъэхэм зыщегъэужьыным хуэгъэза Iуэхухэр зэхэлъхьэнымкIэ икIи пхыгъэкIынымкIэ щIыпIэ самоуправленэм и органхэм методикэ и лъэныкъуэкIэ къызэгъэпэщыныр икIи ахэр зэхалъхьэнымкIэ щIэгъэкъуэн яхуэхъуныр;

7) езыхэм яфIэфIу ящIэ (волонтерыгъэ) лэжьыгъэм и IэнатIэм Къэбэрдей-Балъкъэр Республикэм  и гъэзэщIакIуэ властым и органхэм я деж къыщызэрагъэпэщ зэзыгъэуIу, чэнджэщакIуэ органхэр зэтеухуэнымкIэ щIэгъэкъуэн хъуныр;

8) езыхэм яфIэфIу ящIэ (волонтерыгъэ) лэжьыгъэм  и IэнатIэм къэрал политикэр щыпхагъэкIын мурадкIэ езыхэм яфIэфIу ящIэ (волонтерыгъэ) лэжьыгъэм зегъэужьыным хуэгъэза хъыбархэр зыуэ щыт информацэ системэм хагъэхьэн папщIэ Iэригъэхьэныр;

9) коммерцэу щымыт IуэхущIапIэу Къэбэрдей-Балъкъэр Республикэм и щIыналъэм езыхэм яфIэфIу ящIэ (волонтерыгъэ) лэжьыгъэм и ресурс центрым и къалэнхэр зыгъэзащIэр Федеральнэ законым тету иубзыхуныр;

10) езыхэм яфIэфIу ящIэ (волонтерыгъэ) лэжьыгъэр зэпымыууэ екIуэкIыныр икIи абы Федеральнэ законым и 174-нэ статьям къыщыгъэлъэгъуа нэгъуэщI теплъэхэри хэту финансхэмкIэ, мылъкукIэ, лэжьакIуэхэмкIэ къызэгъэпэщынри хыхьэу, зыщIагъэкъуэн мурадкIэ езыхэм яфIэфIу  ящIэ (волонтерыгъэ) лэжьыгъэм  и ресурс центрым дэIэпыкъуныр;

11) мы Законым и 2-нэ статьям къыщыгъэлъэгъуахэр хэмыту федеральнэ законодательствэмрэ Къэбэрдей-Балъкъэр Республикэм и законодательствэмрэ зэрызэкIэлъыкIуэм хуэдэу Урысей Федерацэм и щIыналъэхэм я гъэзэщIакIуэ властым, Къэбэрдей-Балъкъэр Республикэм и гъэзэщIакIуэ властым и органхэм я полномочиехэм хигъэхьа нэгъуэщIхэри езыхэм яфIэфIу ящIэ (волонтерыгъэ) лэжьыгъэм и IэнатIэм щыпхигъэкIыныр.

 Езыхэм яфIэфIу ящIэ (волонтерыгъэ) лэжьыгъэм и IэнатIэм Къэбэрдей-Балъкъэр Республикэм и къэрал властым и органхэм щаIэ полномочиехэр пхыгъэкIыным текIуадэ ахъшэр хуаутIыпщ а мурадым хухахауэ зыхуэфащэ финанс гъэмрэ планкIэ къызэщIиубыдэ лъэхъэнэмрэ тещIыхьауэ Къэбэрдей-Балъкъэр Республикэм и республикэ бюджетым и IуэхукIэ Къэбэрдей-Балъкъэр Республикэм и Законым къыщыгъэлъэгъуа бюджет мылъкум, апхуэдэу федеральнэ законодательствэмрэ Къэбэрдей-Балъкъэр Республикэм и законодательствэмрэ япкъ иткIэ ахъшэхэм я нэгъуэщI къыхэкIыпIэхэу ягъэувахэм къахэкIыу.