ЩIымахуэм зыхуагъэхьэзыру

19 мая, 2025 - 16:00

Къэбэрдей-Балъкъэрым Ухуэныгъэмрэ псэупIэ-коммунальнэ хозяйствэмкIэ и министерствэм иджыблагъэ щекIуэкIащ 2025 - 2026 гъэхэм я бжьыхьэ-щIымахуэ лъэхъэнэм зыхуэгъэхьэзырынымкIэ республикэ комиссэм и зэIущIэ. Ар иригъэкIуэкIащ КъБР-м и Правительствэм и УнафэщIым и япэ къуэдзэ Къуныжь МуIед. ЗэIущIэм щытепсэлъыхьащ щIыналъэр гъэплъыгъуэ чэзум зэрыхуэхьэзыр щIыкIэм.
Лэжьыгъэхэр ирагъэкIуэкI зыхуагъэувыжа къалэнхэмрэ пIалъэхэмрэ тету. IэщIагъэлIхэм къапэщылъщ фэтэр куэду зэхэт унэу 29II-рэ, котельнэу 372-рэ, хуабэр, псыр зэрыкIуэ бжьамийхэр, н.къ. щIымахуэ гъэплъыгъуэм хуагъэхьэзырыну. Абыхэм ехьэлIа лэжьыгъэхэм трагъэкIуэдэнущ сом мелуан I056,6I7I-рэ. 
Муниципалитетхэм унафэ хуащIащ фэтэр куэду зэхэт унэхэр и чэзум гъэплъыгъуэм хуагъэхьэзырыну, автомобиль гъуэгухэм асфальтхэр тралъхьэн, бжэIупэхэмрэ пщIантIэхэмрэ зэIузэпэщ ящIын щIамыдзэ щIыкIэ, инженер коммуникацэхэмрэ сетхэмрэ зэхъуэкIынымкIэ ирагъэкIуэкI лэжьыгъэхэр и кIэм нагъэсыну. 
2025 - 2026 гъэхэмя бжьыхьэ-щIымахуэ лъэхъэнэм республикэм и IуэхущIапIэхэр зэрыхуэщIамрэ зэрызыхуагъэхьэзыр щыкIэмрэ тхьэмахуэ къэс къапщытэ КъБР-м Ухуэныгъэмрэ ЖКХ-мкIэ и министерствэм и лэжьакIуэхэм. 

ХЬЭЩЫКЪУЕЙ Олег.
  • 105 просмотров
Поделиться: