Къэбэрдей-Балъкъэр Республикэм и Правительствэм и Унафэ

19 августа, 2020 - 05:14

«Къэбэрдей-Балъкъэр Республикэм зегъэужьынымкIэ корпорацэ» акционер зэгухьэныгъэм и уставной мылъкум хэгъэхъуэным и IуэхукIэ

№52-ПП                2020 гъэм гъатхэпэм и 26-м              Налшык къалэ

«Акционер зэгухьэныгъэхэм ятеухуауэ» Федеральнэ закон №208-ФЗ-м, 1995 гъэм дыгъэгъазэм и 26-м къащтам, «Къэбэрдей-Балъкъэр Республикэм и къэрал мылъкур приватизацэ щIыным и IуэхукIэ Къэбэрдей-Балъкъэр Республикэм и закон №49-РЗ, 2002 гъэм бадзэуэгъуэм и 28-м къащтам, Урысей Федерацэм и субъектхэу Кавказ Ищхъэрэ федеральнэ округым хыхьэхэм социально-экономикэ и лъэныкъуэкIэ зегъэужьыным хуэунэтIа Iуэхухэм трагъэкIуэдэн папщIэ къыхуаутIыпщ мылъкум халъхьэн мурадкIэ федеральнэ бюджетым къыхэкIыу Къэбэрдей-Балъкъэр Республикэм и бюджетым субсидиехэр 2020 - 2022 гъэхэм къыхуэутIыпщыным ехьэлIа ЗэгурыIуэныгъэм, «Къэбэрдей-Балъкъэр Республикэм 2016 - 2025 гъэхэм социально-экономикэ и лъэныкъуэкIэ зегъэужьыныр» и программэ къуэдзэм япкъ иткIэ, Къэбэрдей-Балъкъэр Республикэм и Правительствэм унафэ ещI:
1. «Къэбэрдей-Балъкъэр Республикэм зегъэужьынымкIэ корпорацэ» акционер зэгухьэныгъэм и уставной мылъкум хэгъэхъуэн сом 537634416-кIэ, документ зыщIымыгъу къызэрыгуэкI акцэ къыхущIагъуахэм Iэ щIэдзыныр къыхалъхьэкIэрэ.
2. «Къэбэрдей-Балъкъэр Республикэм зегъэужьынымкIэ корпорацэ» акционер зэгухьэныгъэм хущIагъуу къыдагъэкIа акцэхэр зы акционер закъуэм – Къэбэрдей-Балъкъэр Республикэм - егъэбыдылIэн, Къэбэрдей-Балъкъэр Республикэм ЩIымрэ мылъку зэхущытыкIэхэмкIэ и министерствэм и нэIэ тету.
3. Къэбэрдей-Балъкъэр Республикэм ЩIымрэ мылъку зэхущытыкIэхэмкIэ и министерствэм «Къэбэрдей-Балъкъэр Республикэм зегъэужьынымкIэ корпорацэ» акционер обществэ зэIухам щIыгъуу «Къэбэрдей-Балъкъэр Республикэм зегъэужьынымкIэ корпорацэ» акционер обществэ зэIухам и уставной мылъкум щыIэ хабзэм тету хигъэхъуэным теухуа лэжьыгъэхэр ирагъэкIуэкIыну я пщэ илъхьэн.
4. Мы Унафэр зэрагъэзащIэм кIэлъыплъыныр и пщэ илъхьэн Къэбэрдей-Балъкъэр Республикэм и Правительствэм и УнафэщIым и япэ къуэдзэ КIэрэф М. А.
 

Къэбэрдей-Балъкъэр Республикэм
и Правительствэм и УнафэщI               МУСУКОВ Алий

  • 15 просмотров
Поделиться: