Къэбэрдей-Балъкъэр Республикэм и Iэтащхьэм и Унафэ

 Герхожан-Су псым и псыхъуэм  дэлъэда ятIэпс къехахэм я Iэужьхэр гъэкIуэдыжыным теухуауэ гъэтIылъыпIэ зимыIэ зэфIэгъэувэжыныгъэ лэжьыгъэхэр зэрызэфIэкIам къыхэкIыу «ЦIыхухэмрэ щIыналъэхэмрэ щIыуэпс, техноген нэщэнэ зиIэ къызэрымыкIуэ щытыкIэхэм ящыхъумэным и IуэхукIэ Федеральнэ закон №68-ФЗ-уэ 1994 гъэм дыгъэгъазэм  и 21-м къыдэкIам, Урысей Федерацэм и Правительствэм «КъызэрымыкIуэ щытыкIэхэр къэмыгъэхъуным икIи апхуэдэхэм я лъэужьхэр гъэкIуэдыжыным хуэгъэзауэ щыIэ зыуэ щыт къэрал  лъабжьэм и IуэхукIэ» 2003 гъэм дыгъэгъазэм и 30-м къыдигъэкIа унафэ №794-м япкъ иткIэ:

1. Къэбэрдей-Балъкъэр Республикэм къызэрымыкIуэ щытыкIэхэр къэмыгъэхъуным икIи апхуэдэхэм я лъэужьхэр гъэкIуэдыжыным хуэгъэзауэ щыIэ зыуэ  щыт къэрал лъабжьэм и  щIыналъэ къудамэм и къарухэмрэ Iэмэпсымэхэмрэ папщIэ Iуащхьэмахуэ муниципальнэ районым и Тырныауз къалэм и щIыналъэм щIыналъэ нэщэнэ иIэу Къэбэрдей-Балъкъэр Республикэм и Iэтащхьэм 2025 гъэм бадзэуэгъуэм и 22-м къыдигъэкIа унафэ №130-РГ-мкIэ къызэрымыкIуэ  щытыкIэхэм я хабзэу щагъэувар 2025 гъэм фокIадэм и 10-м сыхьэти 9-рэ дакъикъэ 00-м къыщыщIэдзауэ щымыгъэIэжын.

2. Къэбэрдей-Балъкъэр Республикэм къызэрымыкIуэ щытыкIэхэр къэмыгъэхъунымкIэ икIи апхуэдэхэм я лъэужьхэр гъэкIуэдыжынымкIэ щыIэ зыуэ къэрал лъабжьэм и щIыналъэ къудамэм къарухэмрэ Iэмэпсымэхэмрэ папщIэ къызэрымыкIуэ щытыкIэм и щIыналъэ  нэщэнэм и хабзэр щымыгъэIэжын.

3. Къэбэрдей-Балъкъэр Республикэм и Iэтащхьэм 2025 гъэм бадзэуэгъуэм и 22-м къыдигъэкIа унафэ №130-РГ-м къару имыIэжу къэлъытэн.

Къэбэрдей-Балъкъэр Республикэм и Iэтащхьэ КIуэкIуэ Казбек.

Налшык къалэ

2025 гъэм фокIадэм и 9-м

№159-РГ