Кадастр лэжьыгъэ зэгъэуIуахэр щагъэзащIэкIэ щIы Iыхьэхэм я гъунапкъэхэр зыхуэдэр яубзыхун папщIэ къызэрагъэпэщ зэгурызыгъаIуэ комиссэр зэрылажьэ пщалъэ регламентым зэхъуэкIыныгъэхэр хэлъхьэным и IуэхукIэ
Къэбэрдей-Балъкъэр Республикэм и Правительствэм и Унафэ
2025 гъэм фокIадэм и 15-м Налшык къалэ №150-ПП
Къэбэрдей-Балъкъэр Республикэм и Правительствэм унафэ ещI:
1. Кадастр лэжьыгъэ зэгъэуIуахэр щагъэзащIэкIэ щIы Iыхьэхэм я гъунапкъэхэр зыхуэдэр яубзыхун папщIэ къызэрагъэпэщ зэгурызыгъаIуэ комиссэр зэрылажьэ пщалъэ регламенту Къэбэрдей-Балъкъэр Республикэм и Правительствэм 2022 гъэм мэкъуауэгъуэм и 14-м къыдигъэкIа унафэ №138-ПП-мкIэ къащтам мыпхуэдэ зэхъуэкIыныгъэхэр хэлъхьэн:
1) 2-нэ пунктыр мыпхуэдэу тхын:
«2. зэгурызыгъаIуэ комиссэу Къэбэрдей-Балъкъэр Республикэм и муниципальнэ району, къалэ округу зи щIыналъэм кадастр лэжьыгъэ зэгъэуIуахэр щагъэзащIэхэм я щIыпIэ самоуправленэм и органым къызэригъэпэщ коллегиальнэ органу щытыр зэтраухуэ кадастр лэжьыгъэ зэгъэуIуахэр гъэзэщIэным теухуа зэгурыIуэныгъэ зэрызэращIылIэрэ е федеральнэ мыхьэнэ зиIэ кадастр лэжьыгъэ зэгъэуIуахэр гъэзэщIэн зэрыщIадзам теухуа хъыбарыр къызэрыIэрыхьэрэ, апхуэдэу бюджетым щымыщ мылъкухэм я хьэкъкIэ кадастр лэжьыгъэ зэгъэуIуахэр гъэзэщIэным ахъшэ щыхуаутIыпщкIэ, лэжьэгъуэ махуэ тIощIым къитIасэу.»;
2) 5-нэ пунктым:
а) еханэ абзацыр мыпхуэдэу тхын:
«Роскадастр» цIыхубэ-правовой компанием Къэбэрдей-Балъкъэр РеспубликэмкIэ щиIэ и къудамэм;»;
б) мыпхуэдэу тха абзацхэр щIыгъужын:
«кадастр лэжьыгъэ зэгъэуIуахэр щрагъэкIуэкIхэр мэз фондым ищIхэм щыщ мэз Iыхьэхэу щытмэ, мэз зэхущытыкIэхэм я IэнатIэм къэрал Iуэхутхьэбзэхэр щыщIэным икIи къэрал мылъкур щызехьэным егъэщIылIа къалэнхэр зи пщэ дэлъ гъэзэщIакIуэ властым и федеральнэ органым;
Федеральнэ закон №221-ФЗ-м и 42-нэ статьям и 1 Iыхьэм и 1-нэ пунктым къыщыгъэлъэгъуа гъэзэщIакIуэ властым и федеральнэ органым.»;
3) 4-нэ пунктым «кадастр лэжьыгъэ зэгъэуIуахэр езыгъэкIуэкIым» псалъэхэр «уполномоченнэ органым» псалъэхэмкIэ щызэхъуэкIын»;
4) 17-нэ пунктыр мыпхуэдэу тхын:
«17. ЩIыналъэм и картэ-планым и проекту лэжьыгъэхэр езыгъэкIуэкIым игъэхьэзырар кадастр лэжьыгъэ зэгъэуIуахэр езыгъэкIуэкIым ЗэгурызыгъаIуэ комиссэм хуегъэхь Федеральнэ закон №221-ФЗ-м и 42- статьям и 9-нэ Iыхьэм ипкъ иткIэ.»;
5) 21-нэ пунктым «42- статьям и 1-нэ Iыхьэм» псалъэхэр «42-нэ статьям и 1-нэ Iыхьэм» псалъэхэмкIэ щызэхъуэкIын;
6) 24-нэ пунктыр мыпхуэдэу тхын:
«24. Кадастр лэжьыгъэ зэгъэуIуахэр щагъэзащIэкIэ щIы Iыхьэхэм я гъунапкъэхэр зыхуэдэхэр зэраубзыхуамкIэ тхылъымрэ ЗэгурызыгъаIуэ комиссэм игъэбелджылауэ Федеральнэ закон №221-ФЗ-м и 42-статьям и 6-нэ Iыхьэм и 2-нэ пунктым къыщыгъэлъэгъуамрэ ЗэгурызыгъаIуэ комиссэм тхылъымпIэм ит дэфтэрхэм я теплъэм иту ягъэхьэзыр икIи щахъумэ щIыпIэ самоуправленэм и органу ар къызэзыгъэпэщам и деж.».
2. Мы унафэм къару егъуэт ар официальнэу къыщытрадза махуэм щегъэжьауэ.
Къэбэрдей-Балъкъэр Республикэм и Правительствэм УнафэщI МУСУКОВ Алий.
Къэбэрдей-Балъкъэр Республикэм и Правительствэм и языныкъуэ унафэхэм зэхъуэкIыныгъэхэр хэлъхьэным икIи Къэбэрдей-Балъкъэр Республикэм и Правительствэм и языныкъуэ унафэхэм къару ямыIэжу къэлъытэным я IуэхукIэ
Къэбэрдей-Балъкъэр Республикэм и Правительствэм и Унафэ
2025 гъэм фокIадэм и 18-м Налшык къалэ №152- ПП
Къэбэрдей-Балъкъэр Республикэм и Правительствэм унафэ ещI:
1. Къэбэрдей-Балъкъэр Республикэм и Правительствэм и языныкъуэ унафэхэм халъхьэ зэхъуэкIыныгъэхэр къэщтэн.
2. Мы унафэм къыщыгъэлъэгъуа полномочиехэр пхагъэкI Къэбэрдей-Балъкъэр Республикэм Курортхэмрэ туризмэмкIэ и министерствэм хуагъэува лэжьакIуэ бжыгъэм, апхуэдэу Къэбэрдей-Балъкъэр Республикэм и республикэ бюджетым Къэбэрдей-Балъкъэр Республикэм Курортхэмрэ туризмэмкIэ и министерствэм и къалэнхэр игъэзэщIэн папщIэ хухиха бюджет ассигнованэхэм къитIасэу.
3. Къэбэрдей-Балъкъэр Республикэм и Правительствэм и унафэхэм къару ямыIэжу къэлъытэн:
«Къэбэрдей-Балъкъэр Республикэм и щIыналъэм щылажьэ турист IуэхущIапIэхэм яхыхьэхэм я республикэ реестрыр зэрырагъэкIуэкI Хабзэр къэщтэным и IуэхукIэ» 2018 гъэм мазаем и 19-м къыдэкIа №26-ПП-м («Официальная Кабардино-Балкария», 2018, №7);
«Къэбэрдей-Балъкъэр Республикэм и турист къулеигъэхэм я реестр зэрырагъэкIуэкI Хабзэр гъэувыным и IуэхукIэ» 2018 гъэм мэлыжьыхьым и 3-м къыдэкIа №61-ПП-м («Официальная Кабардино-Балкария», 2018, №1).
Къэбэрдей-Балъкъэр Республикэм и Правительствэм и УнафэщI МУСУКОВ Алий.
