Жылагъуэм дежкIэ мыхьэнэшхуэ зиIэ

10 июля, 2026 - 10:04

КъБР-м и Iэтащхьэ КIуэкIуэ Казбек кIуащ Къэрал кIуэцI IуэхухэмкIэ министерствэу Къэбэрдей-Балъкъэр Республикэм щыIэм и Къэрал автоинспекцэм и щIыналъэ управленэм. УнафэщIыр абы и ветеранхэмрэ лэжьакIуэхэмрэ ехъуэхъуащ IэнатIэр къызэрызэрагъэпэщрэ илъэс 90 зэрырикъумкIэ.

Iэтащхьэм щыгъуазэ зищIащ управленэм и егъэджэныгъэ-материальнэ лъабжьэм, техникэ и лъэныкъуэкIэ къызэрызэгъэпэщам.

Къэрал автоинспекцэр МВД-м и IэнатIэхэм ящыщу цIыху нэхъыбэ щылажьэхэм икIи нэхъ шэщIауэ зи къалэнхэр зыгъэзащIэхэм ящыщщ. Плъыр къулыкъухэм жэуаплыныгъэшхуэ зыпылъ къалэнхэр я пщэ дэлъщ республикэм и гъуэгухэм хабзэмрэ шынагъуэншагъэмрэ къыщызэгъэпэщыным хуэунэтIауэ.

Къэрал автоинспекцэм и къалэн нэхъыщхьэу щытащ икIи къонэж цIыхухэм я гъащIэр къэхъукъащIэ шынагъуэхэм щыхъумэныр. КIуэкIуэ Казбек лэжьакIуэхэм ехъуэхъуащ ехъулIэныгъэщIэхэр зыIэрагъэхьэну, узыншагъэ быдэ яIэну, жылагъуэм дежкIэ мыхьэнэшхуэ зиIэ я лэжьыгъэ гугъум лIыхъужьыгъэ, зэпIэзэрытагъ къыщагъэлъэгъуэну.

  • 14 просмотров
Поделиться: