Къэбэрдей-Балъкъэр Республикэм и Iэтащхьэм и Указ

     Илъэси 8-м щегъэжьауэ  илъэс 17-м  нэс зи ныбжь сабийм мазэ къэс ахъшэ хухэхыныр къызэгъэпэщыным и IуэхукIэ

  «Сабий зиIэ унагъуэхэм мазэ къэс ахъшэ яхухэхыным и IуэхукIэ» Урысей Федерацэм и Президентым 2022 гъэм гъатэпэм и 31-м къыдигъэкIа Указ №I75-р гъэзэщIэн мурадкIэ унафэ сощI:

         1.«Сабий зиIэ унагъуэхэм мазэ къэс ахъшэ яхухэхыным и IуэхукIэ» Урысей Федерацэм и Президентым 2022  гъэм гъатхэпэм и 31-м къыдигъэкIа Указ №I75-м ипкъ иткIэ илъэси 8-м щегъэжьауэ илъэс 17-м нэс  зи ныбжь сабийм мазэ къэс ахъшэ хухэхыныр Къэбэрдей-Балъкъэр Республикэм къыщызэгъэпэщынымкIэ полномочиехэр Урысей Федерацэм и Пенсэ фондым етын.

  2. Къэбэрдей-Балъкъэр Республикэм и Правительствэм хуэгъэувын:

а) мазэ къэс ахъшэ тыным текIуэдэну финансхэр 2022 гъэм щегъэжьауэ Къэбэрдей-Балъкъэр Республикэм и республикэ бюджетым илъэс къэс къыхигъэкIын зэрыхуейр къилъытэну;

б) мазэ къэс ахъшэ тынымкIэ полномочиехэр игъэзэщIэн мурадкIэ Урысей Федерацэм и Пенсэ фондым и бюджетым субвенцэ щIыкIэу Къэбэрдей-Балъкъэр Республикэм и республикэ бюджетым и ахъшэ етыным теухуа зэгурыIуэныгъэ Къэбэрдей-Балъкъэр Республикэм и Правительствэр Урысей Федерацэм и Пенсэ фондымрэ зращIылIэну;

в) илъэси 8-м щегъэжьауэ илъэс 27-м нэс зи ныбжь сабийм мазэ къэс ахъшэ етынымкIэ Урысей Федерацэм и Правительствэм 2022 гъэм мэлыжьыхьым и 9-м къищта унафэ №630-м иубзыху хабзэмрэ Iуэху нэхъыщхьэхэмрэ я лъабжьэу Къэбэрдей-Балъкъэр Республикэм мазэ къэс сабийхэм ахъшэ зэрыщрат щIыкIэр зыгъэбелджылы хабзэ мардэхэм я проектхэр гъэхьэзырыныр къызэригъэпэщыну, а хабзэ мардэхэр и пIалъэм къриубыдэу къащтэнымкIэ зыхуей псори зэфIигъэкIыну.

г) «Сабий зиIэ унагъуэхэм мазэ къэс ахъшэ яхухэхыным и IуэхукIэ» Урысей Федерацэм и Президентым 2022 гъэм гъатхэпэм и 31-м къыдигъэкIа Указ №175-м  7-нэ пунктым и б» пункт къуэдзэм къигъэувхэр 2022 гъэм накъыгъэм и 1-м фIэмыкIыу гъэзэщIа хъун папщIэ Къэбэрдей-Балъкъэр Республикэм и къэрал властым и гъэзэщIакIуэ органхэр, абыхэм я унафэм щIэт IуэхущIапIэхэр адрей къэрал органхэм, щIыпIэ унафэр зезыгъакIуэ органхэм, абыхэм я унафэм щIэт организацэхэм ядэлэжьэныр къызэригъэпэщыну.

3.Мы Указым къару егъуэт официальнэу къыщытрадза махуэм щегъэжьауэ.

 Къэбэрдей-Балъкъэр Республикэм и Iэтащхьэ     КIуэкIуэ Казбек

  Налшык къалэ

 2022 гъэм мэлыжьыхьым и 15-м

  37-УГ