Ди хэкуэгъум и фэеплъыр яхъумэу

31 августа, 2024 - 09:00

Санкт-Петербург и академическэ филармонием, Шостакович Д.Д. и цIэр зезыхьэм, и унафэщI Черкасов Илья, абы и дирижер нэхъыщхьэ Алексеев Николай, солист, виолончелым еуэ, Урысейм и цIыхубэ артист Ролдугин Сергей сымэ КъБР-м и Iэтащхьэ КIуэкIуэ Казбек яхуэзащ. 

КIуэкIуэ Казбек республикэм и цIыхухэм къабгъэдэкIыу хьэщIэхэм фIыщIэ яхуищIащ щIыналъэм къызэреблэгъам, Къэбэрдей-Балъкъэрым и къуэ щэджащэ, нобэрей зэманым и дирижёр цIэрыIуэ Темыркъан Юрэ Хьэту и къуэм и фэеп­лъыр хъумэным хэлъхьэныгъэ зэрыхуащIым папщIэ. Темыркъан Юрэ илъэс 35-кIэ дуней псом щыцIэрыIуэ гупым и дирижёр икIи художественнэ унафэщIу щытащ.
Урысейм щIыхь зиIэ и гупым - Санкт-Петербург и академическэ филармонием, Шостакович Д.Д. и цIэр зезыхьэм, и симфоние оркестрым Налшык концертитI щитащ, илъэс къэс ирагъэкIуэкI «Темиркановские вечера» фестивалым хэту.

  • 17 просмотров
Поделиться: