Псым теухуауэ

Дунейм дэнэкIи дыкъыщеухъуреихь псым. Псыуэ щыIэр куэдкIэ нэхъыбэщ, щIым нэхърэ. Псы щымыIамэ, зыми гъащIэ иIэфынутэкъым: къэкIыгъэхэми, псэущхьэхэми, цIыхухэми. Дунейм и кубометр миллиарди 1,5-р – псыщ. Еплъытмэ, ар олимп бассейну триллион 800 хуэдизынущ. И къэхъукIэ, хэт пкъыгъуэ елъытауэ щIэныгъэлIхэм зэхагъэщхьэхукIащ псы лIэужьыгъуэ 2000. ЦIыхур псы куэду ефэмэ, и гур нэхъыфIу мэлажьэ.Псы емыфэу цIыхур махуитI-махуищ нэхъыбэ хуэшэчынукъым. ЦIыху балигъым и Iэпкълъэпкъым и процент 60-70-р псыуэ зэхэтщ. Проценти 10 хуэдиз фIэкIуэдауэ, псэужыфынукъым. Дунейм узыфэу тетым я процент 85-р псыкIэ зэрыцIэлэфынущ.Псыуэ дунейм щыIэм я проценти 97-р шугъэщ.
 Тенджызыр тощтыкI дунейм температурэу цельсие 1,91-рэ иIыгъмэ.Псы пщтырыр нэхъ щIэх мэщт, щIыIэм нэхърэ. Абы и щхьэусыгъуэри IупщIкъым. НэгъуэщI ткIуаткIуэхэр щыщтым деж нэхъ цIыкIу мэхъу, псыр щтымэ – нэхъ зэкIэщIокI. ГъэщIэгъуэнщ дыгъэми псы зэрыщыIэр. Дыгъэм и хуабэм махуэм зыщIеф псы тонн триллион хуэдиз. 
ЮНЕСКО-м къызэрихутамкIэ, псыр нэхъ щыкъабзэ дыдэщ Финляндием. Азербайджаным щыIэщ метан куэду зыхэлъ псы. МафIэ ебдзмэ, абы и щхьэфэм щIонэ.