ЗыплъыхьакIуэхэр нэхъыбэ мэхъу

7 августа, 2021 - 14:55

АБХЪАЗ. Иужьрей илъэс 30-м елъытауэ, мы гъэм зыплъыхьакIуэхэр куэдкIэ нэхъыбэ щыхъуащ Абхъазым. 2020 гъэм шыщ­хьэуIум и 1-м щегъэжьауэ щэкIуэгъуэ хъуху, урысей-абхъаз гъунапкъэр зэIуахыжа нэужь, турист мин 600 ихьащ къэралым. 2019 илъэс псом абы щыхьэщIар турист мелуаным щIигъущ. Иджы Минтуризмэм къызэрилъытэмкIэ, цIыху мелуанрэ ныкъуэм зыщагъэпсэхунущ псэм и лъахэу ялъытэ республикэм.

2021 гъэм и накъыгъэм цIыху мин 30-кIэ нэхъыбэ кIуащ Абхъазым, нэгъабэ и апхуэдэ пIалъэм еплъытмэ, мэкъуауэгъуэм а бжыгъэр нэхъыбэж хъуащ. Мы мазэми цIыху Iув щызэтрихьауэ йокIуэкI.
АР-м ТуризмэмкIэ и министр Хишбэ Теймураз зэ­рыжиIамкIэ, Гагрэ, Пицундэ, Новый Афон зы­гъэп­сэхупIэхэр проценти 100-кIэ яубыдащ туристхэм.

НэщIэпыджэ Замирэ.
  • 29 просмотров
Поделиться:

Читать также:

10.01.2026 - 10:18 → «Мамэ, бжьыхьэр щIэгъанэ!»
09.01.2026 - 10:15 → Тхыпхъэр, гупсысэр, макъамэр….
06.01.2026 - 11:04 → Усыгъэм и дыгъэ
05.01.2026 - 09:00 → Ди фильмыр Мароккэми нэсащ
04.01.2026 - 14:59 → «Сыринэм» и зэфIэкIыр