|
Жылагъуэ
21 марта, 2024 - 10:37
Уэхъутэ Анзор Жамбот и къуэр 1915 гъэм щIышылэм и 10-м Хьэбэз районым хыхьэ Беслъэней къуажэм къыщалъхуащ.
Къуажэ еджапIэр къиуха нэужь, Черкесск къалэм дэт педучилищэм щеджащ.
1933 - 1935 гъэхэм Беслъэней къуажэм щыIэ пэщIэдзэ еджапIэм щылэжьащ.
1935 - 1937 гъэхэм, илъэситIым къриубыдэу, Анзор щеджащ Къэбэрдей-Балъкъэрым егъэджакIуэхэр щагъэхьэзыр и институтым. Ар къиуха нэужь, щIэныгъэ нэхъыщхьэ зэзыгъэгъуэта IэщIагъэлI ныбжьыщIэр Куэш-Хьэблэ къуажэм дэт пэщIэдзэ еджапIэм и унафэщIу, ягъакIуэ.
21 марта, 2024 - 09:30
Республикэ клиникэ сымаджэщым щекIуэкIащ IуэхущIапIэр блэкIа илъэсым зэрылэжьар къыщапщытэж зэIущIэ. Абы и лэжьыгъэм хэтащ КъБР-м узыншагъэр хъумэнымкIэ и министр Къалэбатэ Рустам, КъБР-м и Парламентым и УнафэщIым и къуэдзэ Къардэн Мурат, ФIэкIыпIэ зимыIэ медицинэ страхованэмкIэ щIыналъэ къудамэм и унафэщI Къуэжей Рустам сымэ.
21 марта, 2024 - 09:00
Тхыдэм зи цIэр къыхэна ди лъэпкъэгъу лIы щыпкъэхэм ящыщщ ЛIуп Нурхьэлий къытхуитха мы хъыбарыр зытеухуа ЛIуп Жыраслъэн. Ар щеджащ Налшык дэт Ленин еджапIэ къалэ цIыкIум, иужькIэ совпартшколым щIэтIысхьэри, ари фIы дыдэу къиухащ. ИтIанэ комсомолым и обкомым инструктору щылэжьэну ягъакIуэ. А зэманым абы республикэм и къуажэхэм лэжьыгъэшхуэ щрегъэкIуэкI, комсомол ячейкэхэр, организацэхэр къызэгъэпэщыным ехьэлIауэ.
21 марта, 2024 - 08:00
Гъатхэпэм и уэтIпсытIми и пшагъуэ гуэрэн Iувми емылъытауэ, Налшык и Дэшхуей хадэм цIыхур щопэкIу. Псом нэхърэ нэхъ узыщыгуфIыкIыр абыхэм ныбжь зиIэ куэд зэрахэтырщ. Абыхэм, тIурытI-щырыщу зэгъусэу, ихъуреягъыр къызэхакIухь. Сабий зи гъусэ нанэхэр нэхъыбэу щызэхуэсыр сабий джэгупIэм дежщ. ЩIымахуэ псом унэм щIэса цIыкIухэр, иджыри гъущыну хунэмыса хъыринэхэм итIысхьауэ йощIэ, пкIэлъейхэм докIуей, Iуащхьэхэм къожэх - псори я щIэщыгъуэщ.
20 марта, 2024 - 13:43
Туризм IэнатIэм пыщIауэ лажьэ IуэхущIапIэу зы илъэсым къриубыдэу сом мелуани 180 нэхърэ мынэхъ мащIэ хэхъуэу зиIэхэм «Лэжьыгъэм кърикIуэр» лъэпкъ пэхуэщIэм хыхьэу къэрал дэIэпыкъуныгъэхэр дяпэкIэ иратынущ. Апхуэдэ унафэм иджыблагъэ Iэ щIидзащ лъэпкъ пэхуэщIэм и унэтIакIуэ, УФ-м и Правительствэм и УнафэщIым и къуэдзэ Белоусов Андрей.
20 марта, 2024 - 13:41
«Россельхознадзор»-м Кавказ Ищхъэрэм щиIэ управленэм и пресс-IуэхущIапIэм иджыблагъэ къызэритамкIэ, дызэрыт илъэсым зэрыщIидзэрэ Къэбэрдей-Балъкъэрым жылапхъэу нэгъуэщI щIыналъэхэм яхуригъашэм хигъахъуэ зэпытщ.
Псалъэм къыдэкIуэу, 2024 гъэм и щIышылэ - мазаехэм къриубыдэу Къэзахъстанымрэ Белоруссиемрэ нартыху жылапхъэу тонн 800-м щIигъу яхуиутIыпщащ. Ар процент 25-кIэ нэхъыбэщ нэгъабэ и иджы хуэдэ зэманым щыIа бжыгъэхэм нэхърэ. Абы нэмыщI, апхуэдэ жылапхъэу тонних республикэм и гъавэгъэкIхэм Ермэлым япэу мы гъэм ирагъэшащ.
20 марта, 2024 - 13:40
Къэбэрдей-Балъкъэрым Экономикэ зыужьыныгъэмкIэ и министерствэм и пресс-IуэхущIапIэм иджыблагъэ зэбгригъэха хъыбарым къызэрыхэщамкIэ, 2024 гъэм и япэ махуэхэм ирихьэлIэу республикэм и промышленнэ индексым нэгъабэ елъытауэ проценти 110,4-кIэ хэхъуащ.
20 марта, 2024 - 13:31
Урысейм и ЩIэныгъэ Академием археологиемкIэ и институтым и щIэныгъэлI Володин Семён дызэрыщигъэгъуэзамкIэ, иужьрей илъэсхэм къэралым и архиологхэм нобэм къэс дызыщымыгъуэза куэд къагъуэту хуежьащ. Ар, дауи, и фIыгъэщ зэфIэкIышхуэ зиIэ иджырей технологиехэми.
20 марта, 2024 - 13:25
УФСБ-м къет
Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм, наркотикхэкIхэр игъэкIыным пэщIэт Iуэхухэр ирагъэкIуэкIыу, къызэпаудащ Налшык къалэ щыпсэу цIыхуитIым наркотикхэкIхэр игъэкIыным пыщIауэ ялэжь щIэпхъаджагъэр.
Яубыдахэр, абыхэм и псэупIэр къыщащым къытрахащ «героин», «метадон» наркотикхэкI грамм 280-м щIигъу.
Страницы
|