|
|
Тхыдэ
16 июня, 2025 - 10:00
Къэбэрдей-Балъкъэрым лъэпкъ щэнхабзэм зыщезыгъэужьахэм я гугъу щытщIкIэ, Атэлыкъ унэцIэр абы гуэхыпIэ иIэкъым.
Псом хуэмыдэу зи гугъу тщIыр Атэлыкъ Аслъэнджэрийрэ Жанусэрэщ. Мы зэщхьэгъусэхэм я фэеплъхэрщ, къафэм и зы теплъэгъуэ къагъэувыIами ярейуэ, Налшык дэт «Победа» кинотеатрым и IуплъапIэм тетыр. Скульптурэр махуэ къэс дызыIуплъэу дызэрыпагэ хъуну ди хъугъуэфIыгъуэщи, тIорысэ хъуа фэеплъхэр хэмыкIуэдэж щIыкIэ хуэфащэ гулъытэ ягъуэтамэ арат.
10 июня, 2025 - 11:19
«Тыргъэтауэ» зэрыжытIэу, ЖьакIэмыхъу КIунэ ди нэгум къыщIохьэ. IутIыж Борис и драматург Iэзагъымрэ зи цIэ къитIуа артисткэм зыми хэзымыгъэгъуащэ и джэгукIэмрэ зэуIури, тхыдэ жыжьэм и зы теплъэгъуэ ди нэгум хьэзыру къыщIигъэувауэ щытащ. Пэжу пIэрэ-тIэ синдхэмрэ адыгэхэмрэ зыгуэр зэхуаIуэхуу?
6 июня, 2025 - 13:03
ГъащIэр фIырэ IейкIэ зыгъэунэхуам гу лъитэнущ пцIым «лъакъуэ зэрыщIэтым». Махуэ, мазэ, илъэс, уеблэмэ лIэщIыгъуэ псо зэринэкIыфынкIи хъунущ абы, итIани, гува-щIэхами, пэжыр сэтейм къытохьэж.
Матросов Александр и цIэр Хэку зауэшхуэм и тхыдэм къызэрыхэщыр нэщхъеягъэшхуэ пылъущ. Псоми ящIэ хъыбарым ипкъ иткIэ, щIалэм нэмыцэ щIытIым къиукI пулемётыр зэригъэувыIэн Iэмал щимыгъуэтым, езым абдежым зыIуиубгъуэри, и ныбжьэгъухэр бийм ебгъэрыкIуэну хуит ищIащ.
3 июня, 2025 - 12:36
ГукъэкIыж псоми гуфIэгъуэри гуауэри щызэрыIыгъщ. ГухэщIщ ныбжьэгъуфI, цIыхуфI пфIэкIуэдыну, ауэ кIэ зиIэ гъащIэр кIэ зимыIэ псапэкIэ щыгъэнщIам деж, дунейм ехыжахэм хужаIэ хабзэ «здэкIуам Тхьэм щигъэтынш» псалъэхэм я мыхьэнэр нэгъуэщI зыгуэру къыбгуроIуэ.
ИлъэситIым щIигъуащ физикэ щIэныгъэхэмкIэ кандидат, «Криотек», «Криомед» IуэхущIапIэхэр къызэзыгъэпэща щIэныгъэлI Ерджынокъуэ Хьэсэнбий дунейм зэрехыжрэ.
2 июня, 2025 - 09:33
Хы ФIыцIэм и Iуфэм къедза Лазаревск (ПсыфIыпэ) жылэшхуэмрэ Тхьэгъэпщрэ я зэхуаку дэс Алексеевкэ урыс къуажэ цIыкIум (Урысейм и пащтыхьу щыта Николай ЕтIуанэм и къуэ Алексей и цIэр фIащащ) и Iэгъуэблагъэм (а щIыпIэм гъуае шапсыгъ къудамэм щыщхэр щыпсэуащ) кхъащхьэ Iуащхьэжьу 34-рэ къыщагъуэтыжащ.
30 мая, 2025 - 09:24
Къэбэрдей-Балъкъэрым и зы кIапэ къэмынэу яджауэ жаIэ. Арами, тхыдэм ущIриплъэжын щхьэусыгъуэ гуэрхэр къокъокI кIэщI-кIэщIурэ. Абыхэм ящыщщ Урыху къуажэм и Iэхэлъахэм къыщагъуэта быдапIэр.
Абы гу лъитэри, лъахэхутэ Котляров Виктор хуэтхащ Урыху къуажэм щалъхуа, налшыкдэс Рэмэзан Мухьэмэд.
28 мая, 2025 - 12:38
Авиацэм и лэжьакIуэхэм мы гъэм накъыгъэм и 20-м конструктор гъуэзэджэ Туполев Алексей ягу къагъэкIыжащ ар къызэралъхурэ илъэси 100 зэрырикъуам егъэщIылIауэ. АрщхьэкIэ, тIуми ящIар зы Iуэхущи, абы и закъуэ утепсэлъыхьыфынукъым зи щIыхьыр нэхъ лъагэжу щыта и адэ Андрей и мыгъусэу. Абыхэм мы IэнатIэм къыщагъэнащ зэи хэмыкIуэдэжыну лъэужь. Дуней псом щыяпэу, макъым нэхърэ нэхъ псынщIэу кIуэ «Ту-144» пассажир кхъухьлъатэм фIэкIа ямыщIами, ахэр цIэрыIуэ хъунут. Ауэ ар зэфIагъэкIа лэжьыгъэм и зы Iыхьэ къудейщ.
27 мая, 2025 - 06:30
США-м и президент Трамп Дональд хэхыныгъэхэм я пэкIэ къызэригъэгугъауэ щытахэм ящыщ зыр игъэзэщIащ. Абы и унафэкIэ хэIущIыIу ящIащ иджыри къэс щэхуу Лъэпкъ архивым щахъума дэфтэр куэд. Я нэхъыбэр егъэщIылIащ 35-нэ американ президент Кеннеди Джон зэраукIам.
22 мая, 2025 - 10:22
Зауэм хэкIуэда и Iыхьлыхэмрэ унэкъуэщхэмрэ я хъыбар иджыблагъэ къытхуиIуэтэжащ Мэлбахъуэм и цIэр зезыхьэ лъэпкъ библиотекэм и лъахэхутэ къудамэм и библиотекарь нэхъыжь Безыр (Хъандэхъу) Ленэ.
21 мая, 2025 - 09:00
Иджыблагъэ къытIэрыхьащ адыгэ псоми я ней зыщыхуа Бекович-Черкасский Федор «Кавказ узэщIакIуэ щэджащэу» къэзыгъэлъагъуэ, Осетие Ищхъэрэ-Алание республикэм Абаевым и цIэр зэрихьэу дэт гуманитар, социальнэ щIэныгъэхэмкIэ институтым тхыдэмкIэ и къудамэм и унафэщI, тхыдэ щIэныгъэхэмкIэ доктор Айларовэ Светланэ и тхыгъэ: «Бекович-Черкасскэм къалэ ухуэныгъэм теухуауэ къыхилъхьа жэрдэмхэм яз». КъызэрыщIэкIымкIэ, быдапIэу къежьа Налшык жылэм къалэ къыхэщIыкIыныр зи жэрдэмыр Бековичырщ, абы урыс тетыгъуэм фейдэуэ къыхуихьынухэр щызэпкърих тхыгъи иIэщ.
Страницы
|
