Нэхъ лъэщхэр текIуащ

Урысей гвардием и управленэу Дагъыстэн Республикэм щыIэм и «Скорпион-Каспий» ОМОН-м и хэщIапэм щекIуэкIащ Урысей Федерацэм и лъэпкъ гвардием Кавказ Ищхъэрэм щиIэ дзэхэм, Жуковым и орденыр зыхуагъэфэщам, Iэпщэрыбанэ зэхэтымкIэ и чемпионат.
 МахуитIкIэ чемпионатым и дамыгъэ лъапIэхэм щIэбэнащ спортсмен лъэщу 80 зыхэт, щIыналъэ управленэхэм, дзэ частхэм я команди 9. 
Гуп зэпеуэм дыжьыныр къыщихьащ КъБР-м щыIэ Урысей гвардием и командэм. 
Щхьэзакъуэ зэхьэзэхуэм, килограмм 65-рэ зи хьэлъагъхэм я деж ещанэ увыпIэр къыщихьащ полицэм и сержант нэхъыжь К. Анзор., я хьэлъагъ елъытауэ зыхэта гупхэм етIуанэ увыпIэхэр щызыIэрагъэхьащ полицэм и сержант Т. Хьэсэн, К. Аслъэн, Г. Альберт, П. Къантемыр сымэ. 
Чемпион хъуахэщ полицэм и лейтенант С. Азэмэт (кг 75-м нэс хьэлъагъым), полицэм и лейтенант Б. Ислъам (кг 80).