Черкесск медаль 25-рэ къраш

Черкесск къалэм иджыблагъэ щекIуэкIащ Урысейм тхэквондомкIэ и зэгухьэныгъэм и президентым и Кубокыр къэхьыным хуэунэтIа уресейпсо зэхьэзэхуэ. Олимп джэгухэм хыхьэ лIэужьыгъуэмкIэ екIуэкIа а зэпеуэм хэтащ къэралым и щIыналъэ куэдым я спортсмен 400-м щIигъу - балигъхэри, нэхъ щIалэхэри, ныбжьыщIэхэри. 

Къэбэрдей-Балъкъэрым и щIыхьыр ихъумэу зэпеуэм щыIащ Кэнжэ къуажэм дэт «Пять колец» спорт академием и командэр икIи ­ехъулIэныгъэфIхэр абы щызыIэригъэхьащ. Псори зэхэту ди спортсменхэм медаль 25-рэ къахьащ: 11-р дыщэу, 6-р дыжьыну, 8-р домбеякъыу. 
Я ныбжьымрэ хьэлъагъымрэ елъытауэ зыхэта гупхэм япэ увыпIэхэр щаубыдащ Тхьэмокъуэ Элинэ (кг 42-рэ), Иуан Дианэ (кг 44-рэ), ПщыхьэщIэ Эстеллэ (кг 47-рэ), Бекъул Миланэ (кг 49-рэ), ВакъащIэ Лие (кг 55-рэ), Iусен Дамир (кг 59-рэ), Пэфыф Эвелинэ (кг 59+), Багъ Идаррэ Къэзанш Къасболэтрэ (тIури кг 63-рэ), Щоджэн Басир (кг 41-рэ) сымэ.
Балигъхэм я деж зэхьэзэхуэм япэ увыпIэхэр къыщызыхьахэр хэ­тынущ щэкIуэгъуэм и 5 - 11-хэм Налшык къалэм тхэквондомкIэ щекIуэкIыну урысей чемпионатым. 
Командэм ядэлажьэр УФ-м щIыхь зиIэ и тренер Ахъмэт Амир, Унэжокъуэхэ Абдельджабаррэ Къантемыррэ сымэщ.